رەسپۋبليكالىق انالار كەڭەسىنە جان-جاقتى قولداۋ كورسەتۋ قاجەت
بۇل تۋرالى قازاقستان حالقى اسسامبلەياسىنىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءتورتىنشى – قازاقستان حالقى اسسامبەلياسىن ودان ارى دامىتۋ. اسسامبلەيانىڭ قوعامدىق قۇرىلىمدارى اۋقىمدى ەتنوسارالىق كوممۋنيكاسياعا جول اشۋى كەرەك. رەسپۋبليكالىق انالار كەڭەسىنىڭ قۇرىلۋى وسى باعىتتاعى ماڭىزدى قادام»، - دەدى قاسىم-جومارت توقايەۆ.
ق ر پرەزيدەنتىنىڭ اتاپ وتۋىنشە، كەڭەس ەلىمىزدەگى بىرلىك پەن تاتۋلىققا نەگىز بولىپ وتىرعان قۇندىلىقتاردى جاستاردىڭ ساناسىنا سىڭىرۋگە اتسالىسادى.
«حالقىمىزدا «وتان وتباسىنان باستالادى» دەگەن اتالى ءسوز بار. ۇرپاققا وتباسىندا دۇرىس تاربيە بەرۋ كەرەك. بۇل - ايرىقشا ماڭىزدى مىندەت. سوندىقتان رەسپۋبليكالىق انالار كەڭەسىنە جان-جاقتى قولداۋ كورسەتۋ قاجەت»،- دەدى مەملەكەت باسشىسى.