قازاقستان حالقى اسسامبلەياسىنىڭ كەڭەيتىلگەن وتىرىسى
قازاقستان حالقى اسسامبلەياسىنىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ قوعامدىق كەلىسىم مەكەمەلەرى قىزمەتكەرلەرىنىڭ جالاقىسىن كوبەيتۋ كەرەكتىگىن ايتتى، دەپ حابارلايدى Almaty-akshamy.kz قازاقپارات سايىتنا سىلتەمە جاساپ.
«ەكىنشى ماسەلە – جەرگىلىكتى اتقارۋشى ورگاندار جۇمىسىنىڭ تيىمدىلىگىن ارتتىرۋ. ءبىز بىلتىر ءار ءوڭىردىڭ ىشكى ساياسات باسقارماسىنان جەكە ءبولىم اشتىق. وسى بولىمدەرگە قولداۋ كورسەتىپ، جۇمىسىن جانداندىرا ءتۇسۋ كەرەك. وعان ءوز قۇزىرەتىنە كىرمەيتىن تاپسىرما بەرىلمەۋى قاجەت. اركىم وزىنە جۇكتەلگەن مىندەتتى اتقارۋعا ءتيىس. قوعامدىق كەلىسىم مەكەمەسىنىڭ دە قىزمەتىنە قاتىستى وسى تالاپتى ۇستانۋعا ءتيىسپىز. اتالعان ۇجىمداردا جۇمىس ىستەيتىن قىزمەتكەرلەردىڭ جالاقىسىن كوبەيتكەن ءجون»، - دەدى قاسىم-جومارت توقايەۆ.
مەملەكەت باسشىسى ەتنوسارالىق قاتىناس سالاسىنداعى وڭىرلىك قۇرىلىمداردى ماماندارمەن قامتاماسىز ەتۋگە دە باسا نازار اۋدارۋ كەرەكتىگىن ايتتى.
«بۇل جۇمىس، ەڭ الدىمەن، ۇلتتىق قۇرامى ءارتۇرلى جانە بەلگىلى ءبىر ەتنوس وكىلدەرى تىعىز قونىستانعان ايماقتارعا قولعا الۋ قاجەت»، - دەدى ق ر پرەزيدەنتى.