8 ماۋسىمنان باستاپ ەشقانداي قۇجات كورسەتۋدىڭ قاجەتى جوق.
پرەمەر-مينيستردىڭ ورىنباسارى ەرالى توعجانوۆتىڭ توراعالىعىمەن قازاقستان رەسپۋبليكاسىنىڭ اۋماعىندا كوروناۆيرۋس ينفەكسياسىنىڭ تارالۋىنىڭ الدىن الۋ جونىندەگى ۆەدومستۆوارالىق كوميسسيانىڭ وتىرىسى ءوتتى، دەپ حابارلايدى Almaty-akshamy.kz
ەلدەگى جانە الەمدەگى ەپيدەميولوگيالىق احۋالدىڭ تۇراقتانۋىن ەسكەرە وتىرىپ، ۆەدومستۆوارالىق كوميسسيا كەلەسىدەي شەشىمدەر قابىلدادى:
ءبىرىنشى: بيىل 8 ماۋسىمىنان باستاپ ق ر ازاماتتارى مەن شەتەلدىكتەرگە قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ كەزىندە ريەۆاكسيناسيا نەمەسە COVID-19-عا قارسى ۆاكسينالاۋدىڭ تولىق كۋرسىن (COVID-19-عا قارسى ۆاكسينالاۋ تۋرالى پاسپورتتى/سەرتيفيكاتتى/انىقتامانى) قۇجاتتىق راستاۋ بويىنشا، ال ولار بولماعان كەزدە پتر ادىسىمەن COVID-19 زەرتتەۋىنىڭ تەرىس ناتيجەسى بار انىقتامانى ۇسىنۋ تالابىن الىپ تاستاۋ؛
ەكىنشى: رەسپۋبليكانىڭ جەتى وڭىرىندەگى قازاقستان رەسپۋبليكاسى مەملەكەتتىك شەكاراسىنىڭ جەكەلەگەن ۋچاسكەلەرىندە ۋاقىتشا جابىلعان 12 اۆتوموبيل وتكىزۋ بەكەتىنە جۇمىس ىستەۋگە سالىنعان تىيىمدى الىپ تاستاۋ تۋرالى شەشىم قابىلدادى.