2024 جىلعى 19 قاراشادا بۇۇ-نىڭ باكۋدەگى كليماتتىڭ وزگەرۋى جونىندەگى 29-شى كونفەرەنسياسى (COP29) شەڭبەرىندە قازاقستان رەسپۋبليكاسىنىڭ اۋىل شارۋاشىلىعى مينيسترلىگى كليماتقا تۇراقتى اۋىل شارۋاشىلىعىن ىلگەرىلەتۋگە جانە ازىق-تۇلىك جۇيەلەرىن كليماتتىق سىن-تەگەۋرىندەرگە بەيىمدەۋگە ءوزىنىڭ مىندەتتەمەسىن راستادى، دەپ حابارلايدى aqshamnews.kz سالا مينيسترلىگىنە سىلتەمە جاساپ.
اۋىل شارۋاشىلىعى ۆيسە-مينيسترى ەرمەك كەنجەحان ۇلى جوعارى دەڭگەيدەگى ءبىرقاتار ءىس-شارالارعا قاتىسىپ، وندا نەگىزگى باستامالاردى كوتەرىپ، ەلدىڭ تۇراقتى اۋىل شارۋاشىلىعى سالاسىنداعى جەتىستىكتەرىن تانىستىردى.
مينيسترلىك ازىق-تۇلىك سەكتورىن ترانسفورماسيالاۋ ءۇشىن كليماتتىق قارجىلاندىرۋدى تارتۋعا باعىتتالعان Fast (Food and agriculture for Sustainable Transformation) سەرىكتەستىگىنىڭ رەسمي قاتىسۋشىسى بولدى.
سونىمەن قاتار، مينيسترلىك باكۋدەگى «گارمونيا» باستاماسىنا قولداۋ ءبىلدىردى، بۇل فەرمەرلەردىڭ، سونىڭ ىشىندە ايەلدەر مەن جاستاردىڭ مۇمكىندىكتەرىن كەڭەيتۋگە ىقپال ەتەدى.
COP29 الاڭىندا اشم تۇركى مەملەكەتتەرى ۇيىمىنىڭ كليماتقا ءتوزىمدى اۋىلدارى فورۋمىن قۇرۋ تۋرالى مەموراندۋمعا قول قويدى. بۇل فورۋم تاجىريبە الماسۋ، زاماناۋي اگروتەحنولوگيالاردى ەنگىزۋ جانە كليماتتىڭ وزگەرۋىنىڭ سالدارىن ازايتۋ بويىنشا بىرلەسكەن ستراتەگيالاردى ازىرلەۋ ءۇشىن پلاتفورما بولادى.
ۆيسە-مينيستر FAST، «گارمونيا» جانە كليماتقا ءتوزىمدى اۋىلدار فورۋمى سياقتى باستامالار، ەڭ الدىمەن، حالىقارالىق قارجىلاندىرۋدى تارتۋ ارقىلى كليماتتىق تۇراقتىلىق پەن ازىق-تۇلىك قاۋىپسىزدىگىن نىعايتۋدىڭ ماڭىزدى قۇرالى بولىپ تابىلاتىنىن اتاپ ءوتتى.
اشم اگروونەركاسىپتىك كەشەندى تۇراقتى دامىتۋعا جانە اۋىلدىق اۋماقتاردىڭ كليماتتىق تۇراقتىلىعىن نىعايتۋعا باعىتتالعان ۇلتتىق جانە حالىقارالىق باعدارلامالاردى ىسكە اسىرۋ بويىنشا بەلسەندى جۇمىستى جالعاستىرۋدا.