ولجاس بەكتەنوۆ پرەزيدەنت جۇكتەگەن مىندەتتەردى ورىنداۋ شەڭبەرىندە كولىك جەلىلەرىن جاڭعىرتۋ جوبالارىن ۋاقتىلى ىسكە اسىرۋدى تاپسىردى.
پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا ەلىمىزدىڭ كولىك-لوگيستيكا سالاسىن دامىتۋ ماسەلەلەرى قارالدى، دەپ حابارلايدى aqshamnews.kz.
كولىك ۆيسە-مينيسترى ماقسات قالياقپاروۆ پرەمەر-مينيسترگە پەرسپەكتيۆالى ينفراقۇرىلىمدىق جوبالار تۋرالى باياندادى. 2027 جىلعا دەيىن قازاقستاندا 1،3 مىڭ شاقىرىم جاڭا تەمىر جول جەلىسىن سالۋ، ال 2029 جىلعا دەيىن 11 مىڭ شاقىرىم تەمىر جول ۋچاسكەلەرىنە جوندەۋ جۇمىستارى جوسپارلانعان، ونىڭ 2،8 مىڭ شاقىرىمىندا جۇمىستار اياقتالدى.
بۇدان باسقا، رەكوردتىق قامتۋى 12 مىڭ شاقىرىمدى قۇرايتىن جولدار سالۋ جانە رەكونسترۋكسيالاۋ جۇمىستارى جۇرگىزىلۋدە، ونىڭ 7 مىڭى بيىل اياقتالادى. اۆتوكولىك تاسىمالدارىنىڭ تيىمدىلىگىن ارتتىرۋ ءۇشىن 2029 جىلعا دەيىن ەاەو ىشكى شەكاراسىنداعى 36 وتكىزۋ بەكەتىن جاڭعىرتۋ جوسپارلانىپ وتىر.
كولىك مينيسترلىگىنىڭ مالىمەتىنشە، قابىلدانىپ جاتقان شارالار ناتيجەسىندە تەمىر جول تاسىمالى بويىنشا ەكسپورت 130 ملن تونناعا دەيىن جەتكىزىلەدى، يمپورت پەن ترانزيت كولەمى تيىسىنشە 60% جانە 65%-عا ارتادى. اۆتوكولىك تاسىمالدارى بويىنشا ەكسپورت پەن يمپورت 2 ەسەگە، ترانزيت 6 ەسەگە ارتادى دەپ كۇتىلۋدە.
پرەمەر-مينيستر ولجاس بەكتەنوۆ كولىك مينيسترلىگىنە جوسپارلانعان بارلىق جوبانىڭ ۋاقتىلى ىسكە اسىرىلۋىن قامتاماسىز ەتۋدى تاپسىردى.