32،8 ميلليون باستان استام مالدى قىستان امان-ەسەن الىپ شىعۋ ءۇشىن وبلىس اكىمدىكتەرىمەن بىرلەسىپ جەم-شوپ دايىنداۋ جوسپارى ايقىندالدى.
مالعا بەرەتىن ەكپە ءشوپ القابى 3،2 ملن گەكتاردى قۇرايدى. بۇل وتكەن جىلمەن سالىستىرعاندا 13 مىڭ گەكتارعا ارتىق، دەپ حابارلايدى Almaty-akshamy.kz.
ال مالعا جەم رەتىندە بەرىلەتىن داقىلداردىڭ ەگىس القابى - 2،6 ملن گەكتار.
2021 جىلدىڭ 22 قىركۇيەگىندەگى جاعداي بويىنشا، 23،2 ملن توننا ءشوپ جينالدى. بۇل جوسپاردىڭ (23،8 ملن توننا) 98%-عا ورىندالعانىن كورسەتەدى. بۇدان بولەك، 1،5 ملن توننا (94%) پىشەندەمە، 1 ملن توننادان استام (53%) سۇرلەم، 2،9 ملن توننا (61%) سابان دايىندالدى.
بيىلعى اۋا رايىنىڭ قولايسىزدىعى مال ازىعى قورىن جيناۋعا ەداۋىر قيىندىق تۋعىزدى. اتاپ ايتقاندا، قۇرعاقشىلىقتىڭ كەسىرىنەن جايىلىمداردىڭ باسىم بولىگى ورتەندى، تابيعي شابىندىق جەرلەردە دە ءشوپ قالىڭ بولمادى. جاعدايدى تۇراقتاندىرۋ ءۇشىن مينيسترلىك ناقتى شارالار قابىلداۋدا.
جەم-شوپ دايىنداۋ ماسەلەلەرى بويىنشا جەرگىلىكتى جانە ورتالىق اتقارۋشى ورگانداردىڭ قىزمەتىن ۇيلەستىرۋ جونىندەگى رەسپۋبليكالىق جەدەل شتاب قۇرىلىپ، جۇمىس ىستەپ جاتىر.