اۋىلشارۋاشىلىق تەحنيكاسىن جاساۋ ەكونوميكانىڭ قارقىندى كورسەتكىشىنىڭ ءبىرى بولىپ تابىلادى
ەلىمىزدە اۋىلشارۋاشىلىق تەحنيكاسىن قۇراستىرۋ كولەمى ارتتى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
قازاقستاندا ماشينا جاساۋ ءىسىنىڭ الەۋەتى ارتىپ كەلەدى. ەلىمىزدە ءدال وسى سالا ەكونوميكالىق كورسەتكىشتەر بويىنشا كوش باستاپ تۇر.
اسىرەسە، وتاندىق اۋىلشارۋاشىلىق تەحنيكاسىن شىعارۋ قارقىن الا تۇسكەن. ءوسىم 300% قۇراپ وتىر.
بۇل جونىندە العاشقى حالىقارالىق كورمەدە بەلگىلى بولدى. ول قازاقستاندىق ماشينا قۇراستىرۋشىلاردىڭ 9-شى فورۋمى اياسىندا ەلوردادا ءوتىپ جاتىر.
«ءبىر الاڭدا بىرنەشە باعىتتىڭ قامتىلعانى قۋانتىپ وتىر. بۇل جەردە وندىرۋشىلەر، ينۆەستورلار، اتقارۋشى بيلىك وكىلدەرى جينالعان. بارلىعىمىز بىرلەسىپ شەشىمىن كۇتكەن ورتاق كۇرمەۋلى ماسەلەلەردىڭ ءتۇيىنىن تارقاتامىز. بۇل شىنىمەن دە سولاي»، - دەدى بەلارۋستەگى ستانوك شىعاراتىن كومپانيانىڭ وكىلى ليليا لۋكويانوۆا.