باستاۋىن الاتاۋدىڭ شىڭ قۇزدارىنان الاتىن وزەننىڭ تازالىعى تىم ناشار.
ءمولدىر سۋ ەلدى مەكەندەرگە جەتكەندە لاستانىپ، لايلانىپ كەتەدى. وعان باستى سەبەپ ادامداردىڭ سانيتارلىق مادەنيەتىنىڭ تومەندىگى. اعىن سۋعا تۇرمىستىق قالدىق تاستاۋ تىيىلار ەمەس، دەپ حابارلايدى Almaty-akshamy.kz.
24.kz مالىمەتى بويىنشا، ءوزەننىڭ جاعاسىنداعى جاعداي وسىنداي. كۇل كوقىس شاشىلىپ جاتىر. ادامدار ادەيى اكەلىپ تاستاعانى انىق.وسىنىڭ بارلىعى سۋمەن اعىپ، اۋىلعا بارادى. وزەندە نە جوق دەيسىز؛ اينەك سىنىعى، پلاستيك قۇتىلار، كولىك دوڭگەلەگى مەن قالبىرلار. ەڭ جامانى سەلوفان پاكەتتەر. پاكەت وزەن سۋىن بىتەپ قانا قويماي، تابيعاتتى لاستايدى. وسىنىڭ بارلىعى وزدىگىنەن سۋعا تۇسپەيتىنى انىق. ادام كەسىرىنەن وزەن سۋى كۇن سايىن بىلعانىپ، لاستانىپ جاتىر. اۋىل تۇرعىنى باقىتجان جاقاشبايەۆ تابيعات جاناشىرى. كورىنگەن جەرگە مۋسور تاستاپ كەتۋشىلەرمەن كۇرەسىپ كەلەدى. ءۇيى كوپىردىڭ قاسىندا. ويىن بالالارى ۆەلوسيپەدپەن قۇلاپ كەتە بەرگەن سوڭ ءوزى قورشاۋ ورناتقان. سوعان قاراماستان قاساقانا كەلىپ قوقىس توگەتىندەر بار دەي دەيدى.
- ءۇي جاعىمدى قورشادىم وسى ارىقتى تازا ۇستايىنشى دەپ. قورشاۋدىڭ ار جاعىن ءقازىر بارىپ كورسەڭىزدەر ماسقارا. باكلاشكادان سۋ كورىنبەيدى. سول تازالىق كەرەك. ۆيدەوكامەرا قويدىم وسىندا جازۋ دا جازدىق «مۋسور تاستاماڭىزدار دەپ» سوندا دا قارامايدى حالىق. لاقتىرا بەرەدى. ءوزىمىزدىڭ تومەندىگىمىز دەپ ويلايمىن وسى. مۋسوردى تاستاماۋ كەرەك. ءوزىڭنىڭ تۇرعان جەرىڭدى تازا ۇستاۋ كەرەك، -دەيدى اۋىل تۇرعىنى باقىتجان جاقاشبايەۆ.
وزەن ۇيدەردىڭ اراسىمەن اعىپ جاتىر. قوتىربۇلاقتىڭ ناعىز قوقىسبۇلاققا اينالىپ كەتكەنىن اۋىل تۇرعىنى اۋلاسىنا كىرگىزىپ كورسەتتى. قورشاۋعا تىرەلگەن قوقىستى كورىپ، تابيعاتقا جانىڭ اشيدى. ال ونى جيناپ جاتقان ەشكىم جوق. بۇل ماسەلەنى تۇزدىباستاۋ اۋىلدىق اكىمدىگى ماماندارىنان سۇرادىق. ماماندار تۇرعىنداردى تازالىققا شاقىرامىز، ەسكەرۋ جاسايمىز. اپتاسىنا ءبىر رەت تازالاۋ جۇمىسى جۇرەدى دەدى. ءبىراق، وزەننىڭ احۋالى ايانىشتى اق.
- انىقتاپ، ايپپۇل سالىپ جاتىرمىز ۇستالعان جاعدايدا.ۆيدەوفيكساسيا، فوتوبولعان جاعدايدا سالىپ جاتىرمىز. مۋسور تاستاسا ەسكەرتۋ بەرەمىز، ەكىنشى رەت شتراف سالىنادى، -دەيدى تۇزدىباستاۋ اۋىلدىق وكرۋگى اكىمدىگىنىڭ باس مامانى راۋان قۋانىش ۇلى.
وزەننىڭ سۋى كوكتەمدە مولايسا، جازعى ماۋسىمدا تايازدانىپ كەتەدى. ول ەتەكتەگى قاپشاعايعا، ودان ءارى ىلەگە قوسىلادى. ءبىر وزەن ۇلكەن ەكولوگيالىق جۇيەنى قۇرايدى. سوندىقتان ونىڭ تازالىعىن ساقتاۋ، تابيعات سيىن قاستەرلەۋ تابيعات انا الدىنداعى قاسيەتتى بورىش بولۋ كەرەك. ءبىراق، سونى ۇقپايتىن، تۇسىنبەيدىن ادامدار بار. جالپى اكىمشىلىك قۇقىق بۇزۋ كودەكسى بويىنشا رۇقسات ەتلىمگەن جەرلەرگە قوقىس تاستالعان دەرەك انىقتالسا، جەكە تۇلعاعا جاۋاپتا تارتىلادى. 60 مىڭ تەڭگەگە جۋىق ايىپپۇل تولەۋى مۇمكىن.