بۇل تۋرالى وقۋ-اعارتۋ مينيسترلىگىنىڭ باسپا ءسوز قىزمەتى مالىمدەدى.
بۇگىندە سيفرلىق نۇسقاداعى وقۋلىقتار مەملەكەتتىك ساراپتامادان ءوتىپ، وقۋ-ادىستەمەلىك كەشەندەر تىزىمىنە ەنگىزىلگەن، دەپ حابارلايدى Almaty-akshamy.kz.
سيفرلىق وقۋلىقتاردى ازىرلەۋگە ەلىمىزدىڭ 11 باسپاسى تارتىلدى. پاندەردى وقىتۋدىڭ يننوۆاسيالىق تاسىلدەرىن ەنگىزۋ ماقساتىندا پەداگوگتەر ءۇشىن ادىستەمەلىك ۇسىنىمدار ازىرلەنگەن.
«قازىرگى كۇنى ەلىمىزدەگى باستاۋىش سىنىپ وقۋلىقتارىنىڭ – 94 پايىزى، 5-9 سىنىپ وقۋلىقتارىنىڭ – 81 پايىزى، 10-11 سىنىپ وقۋلىقتارىنىڭ 61 پايىزى ەلەكتروندى نۇسقاعا كوشىرىلدى. 2024 جىلى پاندەردى سيفرلىق وقۋلىقتارمەن 100% قامتۋ جوسپارلانعان»، – دەيدى ورتا ءبىلىم كوميتەتىنىڭ ءتوراعاسى قانىبەك جۇماشيەۆ.
ەلەكتروندىق وقۋلىقتارمەن قاتار مەكتەپتەردە قوسىمشا وقۋ ماتەريالى رەتىندە مۋلتيمەديالىق كونتەنتى بار سيفرلىق ءبىلىم بەرۋ رەسۋرستارى بەلسەندى قولدانىلىپ كەلەدى. قازىرگى كۇنى 50 مىڭنان اسا سيفرلىق ءبىلىم بەرۋ رەسۋرسى جاسالعان.
2023 جىلدىڭ باسىنان سيفرلىق ءبىلىم بەرۋ رەسۋرستارىنا 6،7 مىڭ مەكتەپ قوسىلدى. بۇل رەسۋرستاردى بۇگىندە كۇن سايىن 3 ميلليونعا دەيىن وقۋشى مەن ءمۇعالىم قولدانىپ كەلەدى. سيفرلىق ءبىلىم رەسۋرستارىندا بارلىق سىنىپتاردى قامتيتىن 50 مىڭنان اسا ۆيدەوساباق جاريالانعان.