الماتى ونكولوگيالىق ورتالىعىندا التى اي ىشىندە 10 مىڭنان استام ناۋقاس ەمدەلدى، دەپ حابارلايدى Almaty-akshamy.kz.
الماتى قالالىق ونكولوگيالىق ورتالىقتىڭ ديرەكتورى نۇرسۇلتان ىزماعامبەتوۆتىڭ ايتۋىنشا، الماتى ونكولوگيالىق ورتالىعىندا ەمدەلەتىن ناۋقاس سانى جىل ساناپ ارتىپ كەلەدى.
«2016 جىلى ەمدەلگەن ناۋقاستاردىڭ سانىنا بيىل التى ايدا جەتىپ وتىرمىز. التى اي ىشىندە اوو حيرۋرگيالىق بولىمشەلەرىندە 1 300-دەن استام حيرۋرگيالىق ارالاسۋ جاسالدى، بۇل وتكەن جىلدىڭ سايكەس كەزەڭىمەن سالىستىرعاندا 95 ەسە كوپ. حيميوتەراپيالىق ەم العان ناۋقاس سانى 8 372-گە وسكەن (2022 جىلى – 7810 بولدى). ساۋلەلىك تەراپيا بولىمىندە 523 ونكولوگيالىق ناۋقاسقا 9632 ساۋلەلىك تەراپيا سەانسى جۇرگىزىلدى. امبۋلاتورلىق حيميوتەراپيا كابينەتى جاعدايىندا ءبىرىنشى جارتىجىلدىقتا 4765 ناۋقاس امبۋلاتورلىق ەم الدى. قاتەرلى ىسىككە كۇدىكتى جانە ونكولوگيالىق ناۋقاستارعا 260 مىڭنان استام دياگنوستيكالىق زەرتتەۋ، اتاپ ايتقاندا، كت، مرت، ەندوسكوپيالىق زەرتتەۋ، ۋدز، سيتولوگيالىق زەرتتەۋلەر جانە ت.ب. جۇرگىزىلدى. وتكەن جىلى 215 000-عا جۋىق بولدى»، - دەيدى نۇرسۇلتان ىزماعامبەتوۆ.
سونداي-اق 2694 ناۋقاس انىقتالىپ، ەسەپكە الىنعان، 2022 جىلدىڭ 6 ايىندا – 2363 ناۋقاس بولدى. قاتەرلى ىسىك ىشىندە ءسۇت بەزى وبىرى ءبىرىنشى، توق ىشەك ىسىگى ەكىنشى، وكپە قاتەرلى ىسىگى ءۇشىنشى، اسقازان وبىرى ءتورتىنشى ورىندا.
«جالپى بۇگىندە الماتى ونكولوگيالىق ورتالىعىندا 30 699 ونكولوگيالىق ناۋقاس ەسەپتە تۇر (2022 ج. 6 ايدا – 28 415)، ءوسىم – 8 پايىز. قازاقستاننىڭ باسقا وڭىرلەرىنەن پاسيەنتتەردىڭ الماتىعا كەلىپ، قالالىق ونكولوگيالىق ورتالىق جاعدايىندا جوعارى ساپالى مەديسينالىق كومەك الىپ، ستاسيونار جاعدايىندا امبۋلاتوريالىق-ەمحانالىق دارى-دارمەكپەن ۇزدىكسىز تولىق قامتاماسىز ەتىلىپ جاتىر. تەك جىل باسىنان بەرى ەلىمىزدىڭ وزگە وڭىرلەرىنەن 420 ناۋقاس الماتى قالاسىنا اۋىستىرىلعان. وكىنىشكە قاراي، ءاربىر بەسىنشى ناۋقاس اۋرۋدىڭ اسقىنعان ساتىسىمەن ەسەپكە الىنادى. بۇل رەتتە قاتەرلى ىسىك اۋرۋىن ەرتە انىقتاۋ ءومىردى ساقتايتىنىن تاعى ءبىر ەسكە سالعىم كەلەدى»، - دەدى الماتى قالالىق ونكولوگيالىق ورتالىقتىڭ ديرەكتورى نۇرسۇلتان ىزماعامبەتوۆ.