"قازاقستان حالقىنا" قورى جوعارى وقۋ ورىندارىنىڭ 792 گرانت يەگەرىنىڭ ءتىزىمىن جاريالادى. بۇل گرانتتار ارنايى ساناتقا جاتقىزىلعان ابيتۋريەنتتەرگە قوسىمشا ءبولىنىپ وتىر، دەپ حابارلايدى aqshamnews.kz.
"11 قىركۇيەكتە "قازاقستان حالقىنا" قورى باسقارماسى 2024 جىلعا ارنالعان ءبىلىم گرانتتارىنا يە بولعان تالاپكەرلەردىڭ ءتىزىمىن بەكىتتى. بيىل قايىرىمدىلىق باعدارلاماسى اياسىندا 850 گرانتتى ءبولۋ ءۇشىن 93 جوعارى جانە جوعارى وقۋ ورنىنان كەيىنگى وقۋ ورىندارى (جوو) تاڭدالدى. 2024 جىلدىڭ 1-17 تامىزى ارالىعىندا ءبىلىم بەرۋ ۇيىمدارىنىڭ قابىلداۋ كوميسسيالارى باعدارلاماعا قاتىسۋعا نيەتتى ۇمىتكەرلەردىڭ وتىنىشتەرىن قابىلدادى"، دەلىنگەن قور سايتىندا جاريالانعان حابارلامادا.
قۇجاتتاردىڭ كريتەرييلەرگە سايكەستىگىن تەكسەرۋ ناتيجەلەرى بويىنشا كەلەسى ساناتتار بويىنشا بولىنگەن 792 ءوتىنىش بەرۋشىنىڭ تۇپكىلىكتى ءتىزىمى قالىپتاستىرىلدى:
- 3 ءوتىنىش بەرۋشى (0،4%) - 2022 جىلعى قاڭتار وقيعاسى كەزىندە قازا تاپقان ازاماتتاردىڭ بالالارى؛
- 168 ءوتىنىش بەرۋشى (21،2%) - جەتىم نەمەسە اتا-اناسىنىڭ قامقورلىعىنسىز قالعان بالالار؛
- 149 ءوتىنىش بەرۋشى (18،7%) - اۋىلدىق ەلدى مەكەندەردەگى، شاعىن جانە مونوقالالارداعى از قامتىلعان وتباسىلاردان ۇمىتكەرلەر؛
- 177 ءوتىنىش بەرۋشى (22،4%) – مۇگەدەكتىگى بار ازاماتتار؛
- 295 ءوتىنىش بەرۋشى (37،3%) - مۇگەدەك بالالاردى تاربيەلەپ وتىرعان وتباسىندا تاربيەلەنىپ وتىرعاندار.
"قازاقستان حالقىنا" قورىنىڭ ءبىلىم بەرۋ گرانتى تەگىن، كۇندىزگى بولىمدە وقۋدىڭ بارلىق كەزەڭىنە باكالاۆر دارەجەسىن بەرە وتىرىپ، جىلىنا 1 ميلليون تەڭگەگە دەيىن جوعارى ءبىلىم الۋ قۇنىن وتەيدى. سونداي-اق گرانت يەلەرىنە جازعى دەمالىستى ەسەپكە الماعاندا جىلىنا 10 ايعا 40 مىڭ تەڭگە مولشەرىندە اي سايىنعى شاكىرتاقى تولەنەدى.
"قازاقستان حالقىنا" قورىنىڭ ءبىلىم گرانتتارى يەگەرلەرىنىڭ تىزىمىمەن مىنا ارادان تانىسا الاسىزدار.