قوستاناي وبلىسىندا جەرگىلىكتى اۋقىمداعى توتەنشە جاعداي جاريالاندى. بۇل تۋرالى Almaty-akshamy.kz Inform.kz-كە سىلتەمە جاساپ.
«بۇگىنگى كۇنى قوستاناي وبلىسى بويىنشا جەرگىلىكتى اۋقىمداعى توتەنشە جاعداي جاريالاندى. وبلىس اكىمدىگىنىڭ رەزەرۆىنەن زارداپ شەككەندەرگە كومەك كورسەتىلدى. بۇل – ەڭ الدىمەن، جاتىن ورىن جانە تاماقتانۋ. 1 800 ادام ەۆاكۋاسيالاندى. مەكتەپتەرگە 200-گە جۋىق ادام ورنالاستىرىلدى. كوبىسى قاۋىپسىزدىگىن تەكسەرىپ ءوز ۇيلەرىنە ورالدى، قالعاندارى تۋىستارىن پانالادى»، - دەپ ءمالىم ەتتى قوستاناي وبلىسى اكىمدىگىنىڭ باسپا ءسوز قىزمەتىنەن.
ەسكە سالايىق، اۋليەكول اۋدانىنداعى الاپات ءورتتى ءسوندىرۋ ءۇشىن بۇگىن سەمەيدەن ارنايى ينجەنەرلىك تەحنيكالار جىبەرىلدى. سونىمەن قاتار، ەلىمىزدىڭ ءار وڭىرىندە گۋمانيتارلىق كومەك جيناۋ پۋنكتىلەرى اشىلدى. ولار ءبىرىنشى كەزەكتە قاجەتتى تاۋارلار، ازىق-تۇلىك، جىلى كيىم، تازالىق قۇرالدارىن جيناپ جاتىر.
بۇدان وزگە، «قازاقستان حالقىنا» قوعامدىق قورى كومەك كورسەتەتىنىن مالىمدەدى. ال ورتتەن ۇيلەرى جانىپ كەتكەن وتباسىلارعا «Halyk Bank» 1 ملن تەڭگەدەن بەرەدى جانە نەسيەلەرىن جابادى.