بۇگىن Almaty Mount Fest-2022 بايقاۋىنىڭ ەكىنشى كۇنى اياقتالدى. قاتىسۋشىلار ءۇشىن ۇيىمداستىرۋشىلار تاۋ سپورتىنىڭ ەكى ءتۇرىن – «مولودەجنىي» شىڭىندا شىعۋ بويىنشا الپينيادا مەن سكايراننينگتى جوسپارلادى. سالاۋاتتى ءومىر سالتىن ۇناتاتىن 1200 قاتىسۋشى جارىستارعا تىركەلدى.
سونىمەن «مولودەجنىي» شىڭىندا تاۋعا شىعۋعا 1000 ادام، ال سكايراننينگ (جىلدام جۇگىرۋ) جارىسىنا 250 سپورتشى قاتىستى.
Skyrunning ۇيىمداستىرۋشىلارى سايىسكەرلەرگە «شىمبۇلاق 3200» جانە «ۆەرتيكال كيلومەتر». ەكى قاشىقتىقتى ۇسىندى. تاۋلى كۋرورتپەن اتتاس مارشرۋتتىڭ ماكسيمالدى بيىكتىگى 3160 منۋم، ال ستارت 2307 منۋم بيىكتىكتە باستالدى. «ۆەرتيكال كيلومەتردىڭ» باستالۋى دا 2307 منۋم بيىكتىكتە ورىن السا، ەڭ جوعارى بيىكتىگى 3312 منۋم بولدى. بۇل سايىستا جەڭىمپازداردىڭ ەسىمى انىقتالدى:
«تىك كيلومەتر» - «ايەلدەر» نوميناسياسىندا دجواننا گرانيكا (1 ورىن) جانە «ەرلەر» كاتەگورياسىندا كوۆالەنكو بوگدان (1 ورىن)؛
«شىمبۇلاق 3200» - «ايەلدەر» نوميناسياسى بويىنشا اۆدەيەۆا كسەنيا (1 ورىن) جانە «ەرلەر» نوميناسياسى بويىنشا جانارستانوۆ ەرجان (1 ورىن).
تىك كيلومەتر بويىنشا ءبىرىنشى ورىن يەگەرلەرى SNEG Boutique قوناقۇيىندە ءبىر كۇندىك تۋرعا جولداما الادى.
ال «شىمبۇلاق 3200» قاشىقتىعى بويىنشا جەڭىمپازدارىنا (1 ورىن) «ەۋرازيا» سولتۇستىك جاياۋ ءجۇرۋ مەكتەبىنىڭ اقشالاي سەرتيفيكاتتارى تابىستالدى.
بۇل رەتتە ەكى جارىستا دا 2ء-شى جانە 3ء-شى ورىن العان جەڭىمپازدار «وي-قاراعاي» كومپانيالار توبىنىڭ سەرتيفيكاتتارىمەن ماراپاتتالادى.
«مولودەجنىي» شىڭىن باعىندىرۋ بويىنشا الپينيادادا قاتىسۋشىلار 4147 مەتر بيىكتىكتەگى شىڭعا جەتۋ جولىندا سان الۋان تاۋلى جەرلەردەن توعىز مىڭ مەتردەن استام قاشىقتىقتى ەڭسەردى. بۇل جارىستىڭ ۇيىمداستىرۋشىسى الماتى قالاسىنىڭ الپينيزم فەدەراسياسى بولدى. ال شىڭدى باعىندىرعانداردىڭ بارلىعىنا ەستەلىك توسبەلگى مەن سەرتيفيكات بەرىلەدى.
«مەن 2016 جىلدان بەرى الماتىنىڭ بارلىق تاۋ فەستيۆالىنە قاتىسىپ ءجۇرمىن. مەن Almaty Mount Fest-كە ءبىر مارتە عانا قاتىسپايمىن. ۇيىمداستىرۋشىلار ازىرلەگەن الپينيادانىڭ كلاسسيكالىق باعىتى ونىمەن العاش رەت سەرۋەندەپ جۇرگەن ادامدار ءۇشىن دە ىڭعايلى. مۇنداي فەستيۆالدەر تاۋلى ولكەمىزدىڭ تانىمال بولۋىنا ىقپال ەتەدى، سونىمەن قاتار قاتىسۋشىلاردىڭ بىر-بىرىمەن پايدالى اقپارات الماسۋىنا جانە شەتەلدىك قوناقتاردىڭ تاجىريبەسىن ۇيرەنۋىنە مۇمكىندىك بەرەدى. وسىنداي شارالار ءجيى وتكىزىلىپ تۇرسا ەكەن دەگەن نيەتىم بار، كەلەسى جولى مىندەتتى تۇردە قاتىسامىن»، - دەيدى الپينيادانىڭ قاتىسۋشىسى، تاۋ گيدى رۋسلان ميلحالداروۆ.
5 قىركۇيەكتە، Almaty Mount Festء-تىڭ سوڭعى كۇنى ۇيىمداستىرۋشىلار بيزنەس-فورۋم وتكىزەدى. وندا قازاقستان، اۆستريا، فرانسيا، رەسەي، شۆەيساريا، ءازىربايجان، وزبەكستان جانە قىرعىزستان قاتىسۋشىلارى مەن سپيكەرلەرى تاۋ كۋرورتتارىنىڭ دامۋى مەن پروبلەمالارى جايلى تالقىلايتىن بولادى.
قوسىمشا اقپاراتتى فەستيۆالدىڭ www.mountfest.kz سايتىنان جانە فەستيۆالدىڭ @mountfest.kz Instagram پاراقشاسىنان الا الاسىز.