فۋتزالدان قازاقستان قۇراماسىنىڭ سلوۆەنياعا قارسى قۇرامى جاريالاندى

تىزىمگە 16 ويىنشى ەندى

فۋتزالدان قازاقستان ۇلتتىق قۇراماسىنىڭ باس باپكەرى ريكاردو كاكا 2024 جىلعى الەم چەمپيوناتىنىڭ ىرىكتەۋ تۋرنيرىندە سلوۆەنيامەن وتەتىن كەزدەسۋگە شاقىرىلعان ويىنشىلاردىڭ ءتىزىمىن جاريالادى دەپ حابارلادى Almaty-akshamy.kz prosports.kz سايتىنا سىلتەمە جاساپ.

تىزىمگە 16 ويىنشى ەندى. جاراقاتىنا بايلانىستى ۇلتتىق قۇرامانىڭ كوشباسشىلارى ءبىرجان ورازوۆ پەن ەدسون شاقىرتۋ المادى.

فۋتزالدان قازاقستان ۇلتتىق قۇراماسى:
قاقپاشىلار: يگيتا («قايرات»)، نۇرالەم بايدۋللا («راحمەت»)، اندرەي گولۋبنيچيي («اقتوبە»)؛

الاڭداعى ويىنشىلار: دۋگلاس، داۋرەن نۇرعوجين، شىڭعىس ەسەنامانوۆ، داۋرەن تۇرساعۇلوۆ، البەرت اقبالىقوۆ (بارلىعى – «قايرات»)، لەو («جوينۆيل»، برازيليا)، تاينان («ەل-پوسو»، يسپانيا)، ازات ۆاليۋللين («ايات»)، ارنولد كناۋب، رايىمبەك جۇما، (ەكەۋى دە – «كاسپيي»)، ەۆگەنيي كوشكين، اقجول ءدارىباي (ەكەۋى دە – «استانا»)، سەرىك ءماجيتوۆ («بايتەرەك»)؛

فۋتزالدان قازاقستان قۇراماسى 8 قازان كۇنى 2024 جىلعى الەم چەمپيوناتىنىڭ ىرىكتەۋ كەزەڭىنىڭ العاشقى ويىنىن سلوۆەنيامەن وتكىزەدى. ماچ استانا قالاسىندا جاقسىلىق ۇشكەمپىروۆ اتىنداعى جەكپە-جەك سارايىندا بولادى.