قوستاناي وبلىسىندا بولعان ورمان ءورتى تابيعي ەمەس

بۇل تۋرالى ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ ايتتى، دەپ حابارلايدى Almaty-akshamy.kz.

«قوستاناي وبلىسىنداعى سوڭعى ءورت تۋرالى ايتار بولسام، باستاپقىدا جالپى اۋدانى 43،8 مىڭ گەكتار دەگەنبىز. ءبىراق ەسەپتەگەن كەزدە سۋ نىسنادارى مەن اۋىل شارۋاشىلىعى جەرلەرى الىپ تاستاعاندا شامامەن 40 مىڭ گەكتار بولدى. 35 مىڭ گەكتارعا جۋىق ورمان القابى ورتتەن زارداپ شەكتى»، - دەدى سەرىكقالي برەكەشيەۆ ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.

ءمينيستردىڭ ايتۋىنشا، ەكى كوميسسيا وسى ورتتەن بولعان زالالدى ەسەپتەۋ جۇمىسىن جۇرگىزگەن.

«بۇگىنگى تاڭدا الدىن الا دەرەكتەر بار. ورتتەن كەلگەن تىكەلەي زالال شامامەن 4 ملرد تەڭگەنى قۇرادى. ءورتتىڭ سەبەبىنە كەلەر بولساق، ءقازىر بىزبەن جۇمىس ىستەگەن كوميسسيا جانە ۆەدومستۆوارالىق كوميسسيا ازىرشە تابيعي ءورت ەمەس دەگەن نۇسقاعا سۇيەنىپ وتىر. كوميسسيا مۇنى قىلمىستىق ءىس اياسىندا تەرگەۋدە. مەنىڭشە، جاقىن ارادا ءورتتىڭ ناقتى سەبەبى انىقتالادى»، - دەدى ول.

ەسكە سالساق، بۇعان دەيىن ت وتەنشە جاعدايلار ءمينيسترى يۋريي يلين قوستانايداعى ءورت قاساقانا ادام قولىنان بولدى دەگەن نۇسقانى جوققا شىعارمايتىنى تۋرالى ايتتى. سونىمەن قاتار قوستاناي وبلىسىنداعى ورمان ورتتەرىنە بايلانىستى «باسامان ورمان شارۋاشىلىعى مەكەمەسىنىڭ» باسشىسى قاماۋعا الىنىپ، ۇستىنەن قىلمىستىق ءىس قوزعالدى.