قوستاناي وبلىسىندا قار ارالاس جاڭبىر مەن كوكتايعاق سالدارىنان جۇرگىزۋشىلەرگە قيىندىق تۋدى.
30 قىركۇيەك كۇنى تاڭەرتەڭ قوستاناي قالاسى مەن بىرنەشە اۋداندا (مەڭدىقارا، ءفودوروۆ، قوستاناي) جاۋىن-شاشىننان كەيىن جولداردا ءبىرقاتار كولىك وقيعاسى تىركەلدى، - دەپ حابارلايدى Aqshamnews.kz.
پاترۋلدىك پوليسيا كۇشەيتىلگەن جۇمىس رەجيمىنە كوشىپ، تاڭعى 6:00-دەن 10:00-گە دەيىن جول جيەگىنە ءتۇسىپ كەتكەن 9 كولىكتى ءقاۋىپسىز جەرگە شىعاردى. اسىرەسە، قارابالىق اۋدانى باعىتىنداعى قوستاناي–الماتى–ەكاتەرينبۋرگ تراسساسىندا جاعداي كۇردەلى بولدى.
مىسالى، ءبىر ۋچاسكەدە Alphard پەن Volkswagen جۇرگىزۋشىلەرى كولىكتى باسقارۋدان ايىرىلىپ، جولدان شىعىپ كەتكەن. پوليسەيلەر مەن جاقىن ماڭداعى جۇك كولىگى جۇرگىزۋشىلەرى ولاردىڭ كولىكتەرىن قار قۇرساۋىنان شىعارىپ الدى.
قاتتى جەل مەن قۇلاعان اعاشتار دا ءقاۋىپ ءتوندىرىپ تۇر. بۇگىننىڭ وزىندە پوليسياعا اعاش قۇلاعانى تۋرالى 10 شاقىرتۋ ءتۇستى. اباي داڭعىلىندا Exeed كولىگىنە، پاۆلوۆ كوشەسىندە JAC كولىگىنە اعاش قۇلاپ، زالال كەلتىرگەن. بۇل فاكتىلەر بويىنشا ماتەريال جينالىپ، شەشىم قابىلداناتىن بولادى.
پوليسيا جۇرگىزۋشىلەرگە كەلەسى ەسكەرتۋلەردى جاساۋدا:
-
جولعا شىعار الدىندا اۋا رايى بولجامىن تەكسەرۋ؛
-
قالا ىشىندە جاياۋ جۇرگىنشىلەر وتكەلدەرىندە جىلدامدىقتى ازايتۋ؛
-
تايعاق جولدا اراقاشىقتىقتى ساقتاۋ، كۇرت بۇرىلماۋ؛
-
تراسسادا ءمانوۆر الدىندا جول جاعدايىن مۇقيات باعالاۋ؛
-
اعاشتاردىڭ جانىنا كولىك قويماۋ.