الماتىنىڭ قاق ورتاسىندا، اربات الاڭىندا قالالىق پوليسيا دەپارتامەنتى ءانسامبلىنىڭ كونسەرتى ءوتتى.
اشىق اسپان استىندا وتكەن شارادا قالا تۇرعىندارى مەن قوناقتارىنا كلاسسيكالىق تۋىندىلاردان باستاپ زاماناۋي ەسترادالىق شىعارمالارعا دەيىنگى ۇزدىك مۋزىكالىق كومپوزيسيالار ۇسىنىلدى. كورەرمەندەر قاتارىندا الماتىلىقتارمەن بىرگە شەتەلدىك تۋريستەر دە بولدى، - دەپ حابارلايدى Aqshamnews.kz.
اسىرەسە، "قايرات" – "رەال" فۋتبول ماچىن تاماشالاۋ ءۇشىن كەلگەن جانكۇيەرلەر كونسەرتتىڭ جىلى اتموسفەراسى مەن اسەرلى ورىنداۋشىلىق ونەرىن ەرەكشە اتاپ ءوتتى.
- مۇنداي ءىس-شارالار – قالا تۇرعىندارى ءۇشىن رۋحاني سىي عانا ەمەس، سونىمەن قاتار ەل مەن قالانىڭ وڭ ءيميدجىن قالىپتاستىرۋعا قوسقان ۇلەس. الماتى ەجەلدەن مادەنيەت ورداسى سانالادى. قوناقتارىمىز، سونىڭ ىشىندە شەتەلدىك جانكۇيەرلەر، قوناقجايلىق پەن دوستىق اتموسفەراسىن سەزىنۋى وتە ماڭىزدى. ءبىز مۇنداي جوبالار جاس ۇرپاقتى وتانسۇيگىشتىككە تاربيەلەپ، پوليسيا مەن قوعام اراسىنداعى سەنىمدى نىعايتا تۇسەتىنىنە سەنەمىز، – دەدى الماتى قالاسى پوليسيا دەپارتامەنتى باستىعىنىڭ ورىنباسارى ءادىلعوجا قۇسايىنوۆ.
ارباتتاعى مۋزىكالىق كەشتەر يگى داستۇرگە اينالىپ كەلەدى. الداعى ۋاقىتتا الماتى پد ءانسامبلى قالا تۇرعىندارى مەن قوناقتارىن اسەم ونەرىمەن قۋانتا بەرۋدى جوسپارلاپ وتىر.