ۇكىمەت قاۋلىسىنىڭ جوباسى «اشىق نقا» پورتالىندا جاريالاندى.
قۇجاتتا «قوستاناي» حالىقارالىق اۋەجايى» اكسيونەرلىك قوعامىنا احمەت بايتۇرسىن ۇلىنىڭ ەسىمى بەرىلسىن» دەلىنگەن، دەپ حابارلايدى Almaty-akshamy.kz
ۇكىمەت قاۋلىسى 29 ساۋىرگە دەيىن قوعامدىق تالقىلاۋعا شىعارىلدى.
بۇعان دەيىن «ورال» حالىقارالىق اۋەجايىنىڭ اتاۋى مانشۇك مامەتوۆا اتىنداعى اۋەجاي دەپ وزگەرتىلگەن بولاتىن.
احمەت بايتۇرسىن ۇلى – مەملەكەت جانە قوعام قايراتكەرى، الاش قوزعالىسىنىڭ رۋحاني كوسەمى، قازاق ءالىپبيىنىڭ تۇڭعىش رەفورماتورى، عۇلاما، ەل تاريحىندا وشپەس ءىز قالدىرعان ۇلت ۇستازى.