ماقسات – بيۋدجەت قاراجاتىن ۇنەمدەۋ.
دەگەنمەن، مەرەكەگە وراي اسكەري-پاتريوتتىق ءىس-شارالار وتكىزۋ جوسپارلانعان، دەپ حابارلايدى Almaty-akshamy.kz قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
ق ر قورعانىس مينيسترلىگى بيىل جەڭىس كۇنىنە ارنالعان اسكەري پارادتىڭ نە ءۇشىن وتكىزىلمەيتىنىن ءتۇسىندىردى.
«2022 جىلى قازاقستاندا اسكەري شەرۋ وتكىزۋ بيۋدجەت قاراجاتىن ۇنەمدەۋ ءۇشىن، سونداي-اق باسقا دا مىندەتتەردى شەشۋ قاجەتتىگىنە بايلانىستى جوسپارلانباعان. اتاپ ايتقاندا، قازاقستان قارۋلى كۇشتەرى بولىمشەلەرىنىڭ جاۋىنگەرلىك ازىرلىگى مەن ۇتقىرلىعىنىڭ قاجەتتى دەڭگەيىنە قولداۋ كورسەتۋ، مەملەكەتتىك جانە اسكەري نىسانداردى كۇزەتۋ مەن قورعاۋدى قامتاماسىز ەتۋ جونىندەگى مىندەتتەردى ورىنداۋعا باسىمدىق بەرىلەدى»، - دەپ جاۋاپ بەردى قورعانىس مينيسترلىگىنىڭ باسپا ءسوز قىزمەتى.
بۇعان دەيىن قورعانىس مينيسترلىگى 2022 جىلى قازاقستان رەسپۋبليكاسى قارۋلى كۇشتەرىنىڭ قۇرىلعانىنا 30 جىل تولۋىنا جانە 1941-1945 جىلدارداعى ۇلى وتان سوعىسىنداعى جەڭىس كۇنىنە ارنالعان اسكەري پارادتىڭ وتپەيتىنىن حابارلاعان ەدى. دەگەنمەن، مەرەكەگە وراي اسكەري-پاتريوتتىق ءىس-شارالار وتكىزۋ جوسپارلانعان.