ءاليحان سمايىلوۆ ميحايل ميشۋستينمەن كەزدەستى.
الماتىدا ءوتىپ جاتقان «Digital Almaty 2023» حالىقارالىق سيفرلىق فورۋمنىڭ ەكىنشى كۇنى پرەمەر-مينيستر ءاليحان سمايىلوۆ رەسەي پرەمەر-مينيسترى ميحايل ميشۋستينمەن كەزدەسۋىمەن باستالدى، دەپ حابارلايدى Almaty-akshamy.kz.
كەزدەسۋدە وتكەن جىلدىڭ 11 ايىندا ءوزارا تاۋار اينالىمى 2021 جىلدىڭ سايكەس كەزەڭىمەن سالىستىرعاندا ايتارلىقتاي وسكەنى ايتىلدى.
سونىمەن قاتار ونەركاسىپتىك كووپەراسيانىڭ دامۋ قارقىنى جاقسى، ونىڭ اياسىندا جالپى قۇنى $1 ملرد-قا جۋىق 26 بىرلەسكەن جوبا ىسكە اسىرىلدى. بۇعان قوسا، قۇنى شامامەن $23 ملرد بولاتىن 84 ءىرى جوبا ىسكە اسىرىلۋدا جانە پىسىقتالۋ ساتىسىندا. وسى جوبالاردىڭ اياسىندا 24 مىڭ جۇمىس ورنى قۇرىلادى دەپ كۇتىلىپ وتىر.
«رەسەي مەن قازاقستاننىڭ ىنتىماقتاستىعى باۋىرلاستىق پەن دوستىق، سونداي-اق ستراتەگيالىق ارىپتەستىك قاعيداتتارىنا نەگىزدەلگەن، ەكى مەملەكەت اراسىنداعى قارىم-قاتىناستاردى نىعايتۋ ماسكەۋ ءۇشىن ءابسوليۋتتى باسىمدىق بولىپ تابىلادى»، - دەدى ميحايل ميشۋستين.
رەسەي مەن قازاقستان اراسىنداعى ءوزارا ساۋدا تابىستى دامىپ كەلەدى، كورسەتكىش 10 پايىزعا ءوسىپ، 25،5 ملرد دوللارعا جەتتى.