كورلينگ – شوتلانديادان شىققان ويىن. حVءى عاسىردا شوتلانديالىق فەرمەرلەر قىس بويى گرانيت تاستاردى كول بەتىنە قاتقان مۇز ۇستىمەن سىرعاناتىپ، سايىسقا تۇسكەن. شوتلاند تىلىنەن اۋدارعاندا «كورل» «اينالدىرۋ»، «شيىرۋ» دەگەن ماعىنانى بىلدىرەدى. ياعني، تاستى بەلگىلى باعىتقا دۇرىس اينالدىرىپ جىبەرە ءبىلۋ. ناقتىراق ايتقاندا، بۇل ويىن تۇنىپ تۇرعان عىلىم. بۇل ويىن – ۇزىندىعى 44،5 مەتر تىك بۇرىشتى مۇز ايدىن ۇستىندە وينالادى. گرانيت تاستىڭ سالماعى 20 كەلىنى تارتادى.
مۇندا تاستى لاقتىرۋعا دا، سەرمەۋگە دە بولمايدى. ونى تەك مۇز بەتىمەن سىرعاناتۋ كەرەك. ەكى كوماندا تاستاردى قارسى بەتتەگى «ءۇيدىڭ» ورتالىعىنا قاراي نەعۇرلىم جاقىنىراق ورنالاستىرۋعا تىرىسادى. «ءۇيدىڭ» ورتالىعىنا نەعۇرلىم جاقىنىراق ورنالاسقان تاستار عانا ۇپاي اكەلەدى. قالعاندارى ەسەپكە الىنبايدى. ءتورت ادامنان قۇرالعان كوماندانىڭ ءبىرى تاستى سىرعاناتسا، قالعاندارى تاستىڭ جولىن ىسقىلاپ، مۇز بەتىن وتە ۇساق كەدەرگىلەردەن تازارتىپ، ونىڭ جىلجۋىنا مۇمكىندىك جاسايدى. ىسقىلاۋدىڭ ءوزى تولىق ءبىر عىلىم ىسپەتتى. جالپى، كورلينگ – قارا كۇشتى ەمەس، دالدىك پەن ءايلا-تاسىلدى قاجەت ەتەتىن ويىن.
كورلينگ 1988 جىلدان بەرى وليمپيادالىق ويىندار باعدارلاماسىنا ەنگىزىلگەن. ويىن قازاقستاندا دا دامىپ كەلەدى. ءارتۇرلى دەڭگەيدەگى تۋرنيرلەر ۇيىمداستىرىلۋدا. سونىڭ ءبىر دالەلى - الماتىدا «حالىق ارەنا» مۇز سارايىنىڭ اشىق الاڭىندا قازاقستان رەسپۋبليكاسىنىڭ IV قىسقى جاسوسپىرىمدەر ويىندارى اياسىندا كەرلينگتەن جارىس وتۋدە.
اشىلۋ سالتاناتى 4 اقپان كۇنى ساعات 11:00-دە بولادى.
كۇنى مەن ورنى:
2023 جىلدىڭ 31 قاڭتارى مەن 12 اقپانى ارالىعىندا الماتى قالاسى، وڭداسىنوۆ كوشەسى، 191
بايلانىس ءۇشىن: انگەلينا ەباۋەر، قازاقستان رەسپۋبليكاسىنىڭ كەرلينگ فەدەراسياسى +7 747 620 99 16