پرەزيدەنت قاسىم-جومارت توقايەۆ قازاقستان حالقىنىڭ جانە جەكە ءوز اتىنان قوس كيەنىڭ ساقشىسى، كورول سالمان بەن ابدەلازيز ءال ساۋدتى ساۋد ارابياسىنىڭ ۇلتتىق كۇنىمەن قۇتتىقتادى.
– بۇگىندە ەلىڭىز – ساياسي تۇرعىدا ىرگەسى بەرىك، ەكونوميكاسى تۇراقتى، تاياۋ شىعىستاعى ۇلگى تۇتار مەملەكەت، سونداي-اق حالىقارالىق قاۋىمداستىقتىڭ بەدەلدى مۇشەسى. الداعى ۋاقىتتا ءسىزدىڭ باسشىلىعىڭىزبەن كورولدىكتىڭ دامۋى باياندى، مەرەيى ءارقاشان ۇستەم بولۋىنا تىلەكتەسپىن، – دەپ جازىلعان جەدەلحاتتا.
مەملەكەت باسشىسى ساۋد ارابياسى قازاقستاننىڭ شىعاناقتاعى سەنىمدى سەرىكتەسى ەكەنىن اتاپ ءوتىپ، ەكى ەل اراسىنداعى ءداستۇرلى دوستىق پەن جوعارى دەڭگەيدەگى ساياسي ديالوگقا نەگىزدەلگەن قارىم-قاتىناستار ودان ءارى نىعايا بەرەتىنىنە سەنىم ءبىلدىردى.