20 قىركۇيەكتە الماتى-تاشكەنت اۆتوجولىنىڭ 168 شاقىرىمىندا جول ەرەجەسىن ورەسكەل بۇزعانى ءۇشىن پوليسيا قىزمەتكەرى جامبىل وبلىسى قورداي اۋدانىنىڭ 61 جاستاعى تۇرعىنىنىڭ باسقارۋىنداعى "تويوتا كارينا" ماركالى اۆتوكولىگىن توقتاتقان.
بۇزۋشىلىقتى تىركەۋ كەزىندە جۇرگىزۋشى پاترۋلدىك پوليسيا باتالونى قىزمەتكەرىنىڭ موينىنا ءبىر رەت جينالمالى پىشاقپەن ۇرعان، دەپ حابارلايدى almaty-akshamy.kz.
وسى فاكتى بويىنشا ق ر قك-نىڭ 380-1-بابى 1-بولىگى بويىنشا (قۇقىق قورعاۋ ورگانى قىزمەتكەرىنىڭ ومىرىنە قول سۇعۋشىلىق) بويىنشا سوتقا دەيىنگى تەرگەۋ باستالدى.
جاۋاپ الۋ كەزىندە ەر ادام ايەلىنىڭ قايتىس بولۋىنا جانە تۇرمىستىق ماسەلەلەرگە بايلانىستى دەپرەسسيالىق جاعداي ونى وسىنداي ءۇمىتسىز قادامعا يتەرمەلەگەنىن ءتۇسىندىردى. ءوزىنىڭ ويلانباي جاساعان ارەكەتىنىڭ اۋىرلىعىن ءتۇسىنىپ، جاساعان ىسىنە وكىنەتىن جەتكىزدى.
پوليسيا قىزمەتكەرى اۋرۋحاناعا جەتكىزىلدى. ۇستالعان ادام قورداي اپب ۋاقىتشا ۇستاۋ يزولياتورىنا قامالدى. قىزمەتتىك تەرگەۋ تاعايىندالدى.