الماتىدا توعىزقۇمالاقتان الەم چەمپيوناتى ءجۇرىپ جاتىر

الماتىدا ADD ۇستەل تەننيسى ورتالىعىندا وقۋشىلار اراسىندا توعىزقۇمالاقتان الەم چەمپيوناتى ءجۇرىپ جاتىر (U-15، U-17).

دۇنيەجۇزىلىك جانە رەسپۋبليكالىق توعىزقۇمالاق فەدەراسياسىنىڭ پرەزيدەنتى ءاليحان بايمەنوۆ، قازاقستان ۇلتتىق سپورت تۇرلەرى قاۋىمداستىعىنىڭ پرەزيدەنتى يسلامبەك سالجانوۆ، ق ر پارلامەنتى ءماجىلىسىنىڭ دەپۋتاتى مۇرات ابەنوۆ جانە الماتى قالاسى سپورت باسقارماسىنىڭ باسشىسى ەردەن ءحايرۋلليننىڭ قاتىسۋىمەن ءتۋرنيردىڭ سالتاناتتى اشىلۋى ءوتتى.

العاشقى ەكى كۇننىڭ قورىتىندىسى بويىنشا قازاقستان كومانداسى راپيدتە ءتورت التىن جۇلدەگە يە بولدى. چەمپيوندار ماحمۇتجان ءازىمحان، ەرنۇر باتىر، ايدانا مولدابەك جانە ايانا يساحان.  

23-24 قىركۇيەك بليس بويىنشا جارىستار وتەدى، ال ءتۋرنيردىڭ سوڭعى كۇنى-24 قىركۇيەكتە جەڭىمپازداردى ماراپاتتاۋ جانە ءتۋرنيردىڭ جابىلۋى جوسپارلانعان. باستالۋى استانا ۋاقىتى بويىنشا ساعات 15:00-دە.

نازارلارىڭىزعا راپيد بويىنشا جارىستىڭ قورىتىندىلارى:

U-15-ۇلدار

1. ماحمۇتجان ءازىمحان (قازاقستان)

2. زاۋىتبەك ورمانى (قازاقستان)

3. نۇرەل سۇلتاشيەۆ (قىرعىزستان)

3. ورلاندو گۆيدو ۆەرگەل بەنيتەس (كولۋمبيا)

U-15-قىزدار

1. ايدانا مولدابەك (قازاقستان)

2. باحيانا تۇرعىنالييەۆا (قىرعىزستان)

3. ەركەجان اسانقۇلوۆا (قازاقستان)

3. مادينا ەسقايىر (قازاقستان)