ىشكى ىستەر ءمينيسترى ەرجان سادەنوۆ قوس ازاماتتىق ءۇشىن قىلمىستىق جازانى ەنگىزۋگە قاتىستى ءوز ويىن ايتتى، دەپ حابارلايدى aqshamnews.kz
ءماجىلىستىڭ بۇگىنگى وتىرىسىندا قوس ازاماتتىق ماسەلەسى كوتەرىلدى. دەپۋتات بولاتبەك ناجىمەدەن ۇلىنىڭ ايتۋىنشا، قازاقستاندا قوس ازاماتتىقتى جاسىرىپ جۇرگەندەر از ەمەس. بارلىعى ەكى ەلدىڭ جەڭىلدىكتەرىن پايدالانىپ جۇرەدى. ال ۇستالعاندارعا كوبىنەسە ايىپپۇل عانا سالىنادى. ءبىراق ولار شەتەلگە قاشىپ، اكىمشىلىك جاۋاپكەرشىلىكتەن جالتارىپ كەتەدى.
"ونداي ادامدار قازاقستان ازاماتى رەتىندە ءوز قۇقىقتارىن بىلەدى، ءبىراق مىندەتتەرىن ورىندامايدى. ول - ازامات ەمەس، شامادانى دايىن تۇرعان ۋاقىتشا رەزيدەنت. سوندىقتان قوس ازاماتتىق ءۇشىن جاۋاپكەرشىلىكتى قىلمىستىق جازاعا دەيىن قاتاڭداتۋ كەرەك. ال ىشكى ىستەر مينيسترلىگى بۇل باستامانى قولداۋعا دايىن با؟"، - دەدى ناجىمەدەن ۇلى.
مينيستر ەرجان سادەنوۆ "بىرلەسىپ جۇمىس ىستەۋگە دايىن" ەكەنىن مالىمدەدى.
"جالپى، دۇرىس ايتاسىز، ولاردىڭ ىشىندە كريمينال دا، باسقاسى دا بولۋى مۇمكىن. سوندىقتان ءبىز تالقىلاۋعا دايىنبىز. وزدەرىڭىز بىلەسىزدەر، ءارقاشان سىزدەردىڭ ۇسىنىستارىڭىزدى قاراپ وتىرامىز. بۇل ۇلتتىق قاۋىپسىزدىك پەن تىنىشتىق ماسەلەسىمەن دە تىعىز بايلانىستى. سول سەبەپتى، ارينە، تالقىلاۋعا دايىنبىز"، - دەدى مينيستر.