قۇقىق قورعاۋ ورگاندارى اسا ءىرى كولەمدە الاياقتىق جاساعان كۇدىكتىنى ۇستادىدەپ حابارلايدى aqshamnews.kz
ول جۇرتقا ەۋروپا، اقش جانە ۇلىبريتانياعا قىسقا جانە ۇزاق مەرزىمدى ۆيزا الىپ بەرەمىن دەپ سەندىرگەن.
قىلمىستىق جاۋاپكەرشىلىكتەن جالتارۋ ءۇشىن كۇدىكتى 60-تان استام اداممەن جالعان نەسيەلىك كەلىسىمشارتتار جاساسىپ، ارەكەتىن ازاماتتىق-قۇقىقتىق مامىلە رەتىندە جاسىرۋعا تىرىسقان. جابىرلەنۋشىلەرگە كەلتىرىلگەن جالپى شىعىن 330 ميلليون تەڭگەدەن اساتىنى بەلگىلى بولدى. كۇدىكتىنىڭ ارەكەتى ق ر قك-نىڭ 190-بابى، 4-بولىگى، 2-تارماعى بويىنشا سارالانىپ، سوت سانكسياسىمەن قاماۋعا الۋ تۇرىندەگى بۇلتارتپاۋ شاراسى قولدانىلدى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر. پروكۋراتۋرا الاياقتىق جاساعان جاعدايدا مۇلىكتى تاركىلەۋمەن قاتار، 10 جىلعا دەيىن باس بوستاندىعىنان ايىرۋ جازاسى قاراستىرىلاتىنىن ەسكەرتەدى.