قوس ازاماتتىعى بار تۇرعىن ەلدەن شىعارىلدى

ول 2010 جىلى تۇركيا رەسپۋبليكاسىنىڭ ازاماتتىعىن دا العان.

سوت شەشىمىمەن ەر ادام وسى باپ بويىنشا كىنالى دەپ تانىلىپ، قازاقستاننان شىعارىلدى، دەپ حابارلايدى Almaty-akshamy.kz

جامبىل وبلىسىندا مەركى اۋداندىق سوتى ازاماتقا قاتىستى رەسپۋبليكانىڭ ازاماتتىق تۋرالى زاڭناماسىن بۇزعانى ءۇشىن اكىمشىلىك ءىستى قارادى.

2024 جىلدىڭ اقپان ايىندا قازاقستاننان قىرعىزستانعا مەملەكەتتىك شەكارانى كەسىپ ءوتۋ كەزىندە شەكاراشىلار ەر ادامنىڭ قوس ازاماتتىعى بار ەكەنىن انىقتاعان.

بەلگىلى بولعانداي، ول 2010 جىلى تۇركيا رەسپۋبليكاسىنىڭ ازاماتتىعىن الىپ، زاڭمەن بەلگىلەنگەن مەرزىمدە شەتەل ازاماتتىعىن الۋ فاكتىسى تۋرالى حابارلاماعان.

سوتتا ەر ادام ءوز كىناسىن مويىنداپ، قازاقستان رەسپۋبليكاسىنىڭ ازاماتتىعىنان ايىرىلۋ قاجەت ەكەنى تۋرالى بىلمەگەنىن ءتۇسىندىردى. ايىپپۇلدى تولەي المايتىندىقتان، ايىپپۇل سالماۋدى ءوتىندى.

ق ر اقبتك-نىڭ 496-بابى، 2-بولىگىنە سايكەس شەتەل ازاماتتىعىن الۋ فاكتىسى تۋرالى زاڭنامادا بەلگىلەنگەن مەرزىمدە حابارلاماۋ 200 اەك (738 400 تەڭگە) مولشەرىندە ايىپپۇل سالۋعا نەمەسە قازاقستان رەسپۋبليكاسىنان اكىمشىلىك جولمەن شىعارىپ جىبەرۋگە اكەپ سوعادى.

سوت شەشىمىمەن ەر ادام وسى باپ بويىنشا كىنالى دەپ تانىلىپ، قازاقستاننان شىعارىلدى.

قاۋلى زاڭدى كۇشىنە ەنگەن جوق.