ەۋروپالىق وداق ەكولوگيالىق قىلمىس جاساعانداردى 10 جىلعا دەيىن باس بوستاندىعىنان ايىرادى.
ەۋروپارلامەنت دەپۋتاتتارى «تابيعاتتى قالپىنا كەلتىرۋ» تۋرالى جاڭا زاڭدى ماقۇلدادى، دەپ حابارلايدى Almaty-akshamy.kz.
سوعان سايكەس كوك تۋنەستى زاڭسىز اۋلاعاندار، ۋلى قالدىقتاردى جەرسىندىرىپ، قورشاعان ورتانى لاستاعاندار، وزون قاباتىن بۇزاتىن زاتتاردى پايدالانعاندار قىلمىستىق جازاعا تارتىلادى. ەكوسيدكە جول بەرىپ، ادام ولىمىنە سەبەپكەر بولعان كاسىپورىن باسشىلارى 8-10 جىلعا دەيىن تۇرمەگە توعىتىلماق.
«ەكوجۇيەنى قالپىنا كەلتىرىپ، بيوارتۇرلىلىكتى ساقتاۋ ءۇشىن ءبارىمىز ورتاق ساياسات ۇستانۋىمىز كەرەك. جاسىل ەكونوميكانى دامىتۋعا باعىتتالعان زاڭنىڭ يگىلىگىن فەرمەرلەر مەن بالىقشىلار ءبىرىنشى بوپ كورەتىنى ءسوزسىز»، - دەيدى ەۋروپالىق پارلامەنتىنىڭ دەپۋتاتى سەزار لۋەنا.