27 اقپان كۇنى الماتىدا ازاماتتىق اليانستىڭ ۇيىمداستىرۋىمەن تۇڭعىش رەت 2023 جىلدىڭ «ازاماتتىق قوعام ءۇشىن» سىيلىعىن تاپسىرۋ ءراسىمى ءوتتى، - دەپ حابارلايدى Alalmaty-akshamy.kz
2010 جىلى 27 اقپاندا ليتۆادا العاش رەت ۇكىمەتتىك ەمەس ۇيىمدار كۇنى تويلاندى. 12 بالتىق تەڭىزى ەلدەرى ۇكىمەتتىك ەمەس ۇيىمداردىڭ IX فورۋمىندا وسى كۇنى اتاپ ءوتتى. ال بۇۇ 2014 جىلى 27 اقپاندى حالىقارالىق ۇكىمەتتىك ەمەس ۇيىمدار كۇنى ەتىپ بەكىتتى. وسىلايشا فينليانديا استاناسى حەلسينكيدە رەسمي تۇردە ازاماتتىق قوعام وكىلدەرىنىڭ مەرەكەسىن اتاپ وتە باستادى.
بۇل داستۇردەن قازاقستان مەن مادەني عانا ەمەس، ەلدىڭ قوعامدىق-ساياسي ورتالىعى الماتى قالاسى تىس قالعان جوق. بيىل الماتىدا العاش رەت ازاماتتىق قوعام وكىلدەرى ماراپاتتالدى. شارا الماتى قالاسى بويىنشا ازاماتتىق اليانسىنىڭ ۇيىمداستىرۋىمەن جانە قازاقستاننىڭ اۆتوموبيل تاسىمالداۋشىلارى مەن ەكسپەديتورلار وداعىنىڭ (ساپەك) قولداۋىمەن ءوتتى.
سىيلىقتى تابىستاۋ راسىمىنە الماتىنىڭ ۇكىمەتتىك ەمەس ۇيىمداردىڭ وكىلدەرى، قوعام قايراتكەرلەرى، ازاماتتىق بەلسەندىلەرى، ۆولونتەرلەر، جاستار بەلسەندىلەرى، قوعامدىق پىكىر كوشباسشىلارى، قوعامدىق سەكتوردا جازاتىن بلوگەر مەن جۋرناليستەر قاتىستى. سونىمەن قاتار الماتى قالاسى قوعامدىق دامۋ باسقارماسىنىڭ باسشىسى ايدار ەسەنبەكوۆ، الماتى قالاسى بويىنشا ازاماتتىق اليانس ۇيىمىنىڭ باسشىسى قايىرجان ءابدىقالىقوۆ قاتىستى. ال ءماجىلىس دەپۋتاتى ەرلان ستامبەكوۆ جانە سەناتور جاننا اسانوۆا ونلاين بايلانىس ارقىلى قالالىقتاردى مەرەكەمەن قۇتتىقتادى.
ازاماتتىق بەلسەندىلەر 12 نوميناسيا بويىنشا ماراپاتتالدى. مۇنداي يگى باستاماعا الماتى قالاسىنان سايلانعان ەرلان ستامبەكوۆ مۇرىندىق بولدى. ۇيىمداستىرۋشىلار مەن ازاماتتىق قوعام وكىلدەرى باستامانى وزگە ايماقتار دا قولدايدى دەگەن ۇمىتتە.
