قازىرگى ۋاقىتتا قازاقستاندا «ياندەكس»، «inDrive»، «Maxim»، «اپارۋ»، «تاپپي تاكسي» جانە ت.ب. سياقتى تاكسيگە تاپسىرىس بەرۋدىڭ موبيلدىك قوسىمشالارى جۇمىس ىستەيدى، دەپ حابارلايدى almaty-akshamy.kz
اعىمداعى جىلعى 19 قاڭتاردا جولاۋشىلاردى اۆتوموبيلمەن تاسىمالداۋ ماسەلەلەرى جونىندەگى كەڭەس شەڭبەرىندە كولىك ءمينيسترى م.ك. قارابايەۆتىڭ توراعالىعىمەن تاكسيگە تاپسىرىس بەرۋدىڭ موبيلدىك قوسىمشالارى وپەراتورلارىنىڭ، ونىڭ ىشىندە «ياندەكس» جانە «inDrive» وكىلدەرىمەن كەزدەسۋ وتكىزىلدى. كەڭەس بارىسىندا تاكسيمەن تاسىمالداۋشىلارىنىڭ ۇلتتىق زاڭناما نورمالارىن ساقتاۋىن قامتاماسىز ەتۋ جانە جولاۋشىلار تاسىمالى قاۋىپسىزدىگى بويىنشا ىشكى كورپوراتيۆتىك تالاپتاردى ەنگىزۋ قاجەتتىلىگى كوتەرىلدى.كەڭەس قورىتىندىسى بويىنشا تاكسيگە تاپسىرىس بەرۋدىڭ موبيلدىك قوسىمشالارى وپەراتورلارىنىڭ وكىلدەرىنە جولاۋشىلاردى اۆتوموبيلمەن تاسىمالداۋ سالاسىنىڭ پروبلەمالىق ماسەلەلەرىن شەشۋ جونىندە ۇسىنىستار ەنگىزۋ ۇسىنىلدى.
سونداي-اق، اعىمداعى جىلعى 12 اقپاندا كولىك ۆيسە-مينيسترى م.ق. قالياقپاروۆتىڭ توراعالىعىمەن «inDrive» تاكسي تاپسىرىسىنىڭ موبيلدىك قوسىمشاسى وپەراتورىنىڭ وكىلدەرىمەن كەزدەسۋ وتكىزىلدى. وسى كەزدەسۋ بارىسىندا جول-كولىك وقيعالارىنىڭ ستاتيستيكاسى، تاكسيگە تاپسىرىس بەرۋدىڭ موبيلدىك قوسىمشاسىن پايدالانا وتىرىپ، جولاۋشىلاردى زاڭسىز تاسىمالداۋدىڭ تەرىس سالدارى ايتىلدى، سونداي-اق جۇرگىزۋشىلەردىڭ ەڭبەك جانە دەمالىس رەجيمىن ساقتاۋ جونىندەگى تالاپتاردى كۇشەيتۋ ۇسىنىلدى.
وسى كەزدەسۋدىڭ قورىتىندىسى بويىنشا كولىك مينيسترلىگى مەن «inDrive» موبيلدىك قوسىمشاسى اراسىندا ىنتىماقتاستىق جانە ءوزارا ءىس-قيمىل تۋرالى مەموراندۋم جاساسۋ قاجەتتىلىگى تۋرالى شەشىم قابىلداندى، وندا موبيلدىك قوسىمشا وپەراتورىنىڭ تاكسيمەن تاسىمالداۋشىلارىنىڭ ۇلتتىق زاڭناما تالاپتارىن ساقتاۋىن قامتاماسىز ەتۋ بويىنشا شارالاردى كەزەڭ-كەزەڭىمەن قابىلداۋى بولجامدالۋدا.