قازاقستان ۇلتتىق بانكى 2023 جىلعى 1 قىركۇيەكتە «دالا قازىناسى» سەرياسىنان QORQYT ATA كوللەكسيالىق مونەتالارىن اينالىمعا شىعارادى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
قورقىت اتا – قوبىز اتاسى دەپ تانىلادى، جىرشى، مۋزىكانت ءارى كومپوزيتور. اڭىز بويىنشا، قورقىت سىرداريا دالاسىنان شىققان جانە VIII-IX عاسىرلاردا ءومىر سۇرگەن. 1980 جىلى قىزىلوردا قالاسىندا «قورقىت اتا» مەموريالدىق كەشەنى سالىندى. مادەني مۇرا رەتىندە رەسمي تۇردە يۋنەسكو تىزىمىنە ەنگىزىلىپ، 2018 جىلعى 28 قاراشادان باستاپ مەملەكەتتىڭ قورعاۋىنا الىندى.
QORQYT ATA مونەتاسى كۇمىستەن دايىندالعان، سىناماسى – 925/1000. ماسساسى 24 گرامم، ديامەترى 37 مم، دايىنداۋ ساپاسى – proof، نومينالى 500 تەڭگەلىك، تارالىمى – 5 000 (بەس مىڭ) دانا.
كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا ءوزىنىڭ بەلگىلەنگەن قۇنىنا ساي تولەمنىڭ بارلىق ءتۇرى بويىنشا قابىلدانۋعا جاتادى. ەلىمىزدىڭ بارلىق بانكىندە بانك شوتتارىنا ەسەپكە الىنۋعا جانە اۋدارىلۋعا، ۇساقتالۋعا جانە ايىرباستالۋعا ءتيىس.
كوللەكسيالىق مونەتالار قازاقستان تەڭگە سارايىندا دايىندالدى.
ەسكە سالا كەتەيىك، سايت پايدالانۋشىلارى «قازاقستان مونەتالارى» ءموبيلدى قوسىمشاسىن جۇكتەپ الۋىنا بولادى. وندا قىسقاشا سيپاتتاماسى بار سەريالار بويىنشا تاقىرىپتىق بولىمدەرگە بولىنگەن قۇب-تىڭ بارلىق مونەتاسىنا قاتىستى اقپارات بار. جەكەلەگەن مونەتالار بويىنشا بەينەروليكتەرگە سىلتەمە، مونەتالاردىڭ 3D بەينەسى، سونداي-اق تولىقتىرىلعان شىنايىلىق ەلەمەنتتەرى ورنالاستىرىلعان.