ق ر پرەمەر-مينيسترىنىڭ ورىنباسارى تامارا دۇيسەنوۆا 2024 جىلعى جازعى وليمپيادا ويىندارىنا دايىندىق جۇمىستارىنىڭ بارىسىمەن تانىستى، دەپ حابارلايدى almaty-akshamy.kz
تۋريزم جانە سپورت ۆيسە-مينيسترى سەرىك جاراسپايەۆ پەن ۇلتتىق وليمپيادا كوميتەتى سپورت دەپارتامەنتىنىڭ ديرەكتورى ەلسيار قاناعاتوۆ اتقارىلىپ جاتقان شارالار تۋرالى باياندادى.
پاريجدە وتەتىن ءدۇبىرلى دوداعا دايىندىق جۇمىستارىن ۇيلەستىرۋ ءۇشىن جەدەل شتاب قۇرىلعان. ونىڭ قۇرامىنا مۇددەلى مەملەكەتتىك ورگاندار، ۇلتتىق وليمپيادا جانە پاراليمپيادا كوميتەتتەرى، سپورت فەدەراسيالارى مەن فرانسيا ەلشىلىگىنىڭ وكىلدەرى كىرەدى.
تۋريزم جانە سپورت ۆيسە-مينيسترى سەرىك جاراسپايەۆتىڭ سوزىنشە، ازىرگە قورجىنىمىزدا 11 سپورت تۇرىنەن 31 ليسەنزيا بار. الداعى ۋاقىتتا سپورتشىلارىمىز ليسەنزيا بەرىلەتىن 40-تان اسا الەمدىك، قۇرلىقتىق، رەيتينگتىك تۋرنيرلەردە ب ا ق سىناساتىن بولادى. وسىعان بايلانىستى ليسەنزيالار سانى ارتادى دەپ كۇتىلۋدە.
«سپورت ءتۇرىنىڭ وزىندىك ەرەكشەلىكتەرىن، ءاربىر سپورتشىنىڭ فيزيولوگياسى مەن قاجەتتىلىكتەرىن ەسكەرە وتىرىپ، جەكەلەي دايىندىق جوسپارلارى بەكىتىلدى. فەدەراسيالاردىڭ وتىنىشتەرى بويىنشا ۇلتتىق قۇرامالارعا كەرەكتى فارموكولوگيالىق زاتتار مەن سپورتتىق تاعامدار ساتىپ الىنادى. سپورتشىلار مەن جاتتىقتىرۋشىلاردى ماتەريالدىق جاعىنان قامتاماسىز ەتۋ جۇمىستارى جان-جاقتى قولعا الىنىپ وتىر»، — دەدى سەرىك جاراسپايەۆ.
تامارا دۇيسەنوۆا سپورتشىلارعا زور ءۇمىت ارتىلىپ وتىرعانىن تىلگە تيەك ەتتى. وسى تۇستا ۆيسە-پرەمەر دودادا ب ا ق سىنايتىنداردىڭ ساپالى دايىندىعى ءۇشىن بارلىق قاجەتتى زاتتارمەن قامتاماسىز ەتۋ ماسەلەلەرىنە باسا ءمان بەردى.
«ەلىمىزدە مىقتى سپورت مەكتەپتەرى بار. اسىرەسە بوكس، كۇرەس، جەڭىل اتلەتيكا سەكىلدى تۇرلەرىنەن ب ا ق سىنايتىنداردان جۇرت جۇلدە كۇتەدى. ليسەنزياعا قول جەتكىزگەن، ودان ۇمىتتىلەرمەن ءتيىستى دەڭگەيدە جۇمىس جۇرگىزىلۋى كەرەك. سونداي-اق قارجىلىق مىندەتتەمەلەردىڭ ۋاقىتىندا ورىندالۋىن مۇقيات قاداعالاۋ ماڭىزدى»، — دەپ اتاپ ءوتتى ۆيسە-پرەمەر.
تامارا دۇيسەنوۆا وليمپيادالىق رەزەرۆ دايىنداۋ ىسىمەن تۇراقتى اينالىسۋ قاجەتتىگىن ەرەكشە اتاپ ءوتتى. بۇل رەتتە سپورت مەكتەپتەرى مەن سالالىق فەدەراسيالار جۇمىسىن جەتىلدىرۋ جولدارىن قاراستىرۋ تاپسىرىلدى.