قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىنە ازامات گ.ۆ.لي اتىنان سەنىمحات بويىنشا ارەكەت ەتەتىن و.س.تاجىبايەۆا 2014 جىلدان بەرى جەر ۋچاسكەسىنە قۇقىق بەلگىلەيتىن قۇجاتتاردى رەسىمدەي الماي كەلە جاتقانى تۋرالى شاعىمدانادى.
ول 2011 جىلى جەردى ساتىپ العانى تۋرالى مامىلەنى زاڭدى تۇردە نوتاريالدى رەسىمدەپ، ونى ۋاكىلەتتى ورگاندا تىركەي وتىرىپ، الماتى وبلىسىندا جەر ۋچاسكەسىن ساتىپ العان. اراعا ءۇش جىل سالىپ، ياعني 2014 جىلى پرەزيدەنتتىڭ №789 جارلىعىمەن الماتى قالاسىنىڭ شەكارالارىنىڭ كەڭەيۋىنە بايلانىستى اتالعان جەر ۋچاسكەسى الماتى وبلىسىنان الماتى قالاسىنا قوسىلعانى بەلگىلى. مىنە ءدال سول كەزدە قارجىلىق قيىندىقتار مەن مۇمكىندىكتىڭ بولماۋىنا بايلانىستى جەر قۇجاتتارىن قايتا رەسىمدەي المايدى.
كەيىنىرەك، 2023 جىلى كورسەتىلەتىن قىزمەتتى الۋشى جەر ۋچاسكەسىنە مەملەكەتتىك اكتىنى ودان ءارى الۋ ماقساتىندا جەرگە ورنالاستىرۋ جوباسىن بەكىتۋ ءۇشىن الماتى قالاسىنىڭ جەر قاتىناستارى باسقارماسىنا جۇگىنەدى. الايدا ول اقپاراتتىق جۇيەدە جەر ۋچاسكەسىنىڭ مەنشىك يەسى تۋرالى مالىمەتتەردىڭ جوقتىعىنا سىلتەمە جاساي وتىرىپ، مەملەكەتتىك قىزمەت كورسەتۋدەن باس تارتتى.
2024 جىلى دەپارتامەنتكە ءوتىنىش بىلدىرگەن سوڭ، دەپارتامەنت ءوتىنىش بەرۋشىنىڭ قۇقىقتارىن قالپىنا كەلتىرۋ بويىنشا شارالار قابىلدادى.
ءوتىنىشتى قاراۋ قورىتىندىسى بويىنشا دەپارتامەنتتىڭ ۇسىنۋىمەن بۇرىنعى وبلىستىق مەملەكەتتىك اكتىسى بار جەر ۋچاسكەسىنە الماتى قالاسىنىڭ قالالىق جوسپارلاۋ جانە ۋربانيستيكا باسقارماسىندا جاڭا مەكەنجاي بەرىلەدى. وسىعان سايكەس الماتى قالاسىنىڭ «ازاماتتارعا ارنالعان ۇكىمەت» مك كەاق فيليالىندا اقپاراتتىق جۇيەلەردە ءتيىستى تۇزەتۋ جاسالىنادى.
كەيىننەن الماتى قالاسى «ازاماتتارعا ارنالعان ۇكىمەت» مك كەاق فيليالىنىڭ جىلجىمايتىن مۇلىك باسقارماسىندا جىلجىمايتىن مۇلىككە قۇقىقتاردى تىركەۋ جۇرگىزىلگەن.
جۇرگىزىلگەن جۇمىستىڭ قورىتىندىسى بويىنشا اقپاراتتىق جۇيەگە جەر ۋچاسكەسىنىڭ مەنشىك يەسى تۋرالى اقپارات ەنگىزىلىپ، الماتى قالاسىنىڭ جەر قاتىناستارى باسقارماسى جەرگە ورنالاستىرۋ جوباسىن بەكىتەدى. وسىلايشا قىزمەتتى الۋشىعا جەر ۋچاسكەسىنە جاڭا مەملەكەتتىك اكتىنى الۋعا ودان ءارى قۇقىق بەردى.
ناتيجەلەرگە قاناعاتتانعان قىزمەتتى الۋشى دەپارتامەنتكە ۇزاق مەرزىمدى پروبلەمانى شەشكەنى جانە ونىڭ بۇزىلعان قۇقىقتارىن قالپىنا كەلتىرگەنى ءۇشىن العىس ءبىلدىردى.
.