69 كگ دەيىنگى سالماقتاعى قازاق سپورتشىسى فينالدا مۇحاممەد ءال سۋۆايديدەن (ءباا) سوڭعى سەكۋندتا جەڭىستى جۇلىپ اكەتتى. ەسەپ 4-2. بۇل قازاقستان دەلەگاسياسىنىڭ وسى ويىندارداعى التىنشى التىن جۇلدەسى.
باعانا نۇرجان جارتىلاي فينالدا الەم چەمپيوناتىنىڭ كۇمىس جۇلدەگەرى چو ءسون-حوننان (وڭتۇستىك كورەيا) باسىم تۇسكەن. وعان دەيىن نە-ۆازا جۇيەسىندەگى ايقاستاردا قازاق سپورتشىسى رامشەد ابدۋللويەۆ (تاجىكستان) پەن حاممام وساما كانديلدى (ساۋد ارابياسى) ايقىن باسىمدىقپەن جەڭگەن.
وسى سالماقتاعى تاعى ءبىر ۇلتتىق قۇراما وكىلى الديار سەرىك نوا ءليمدى (سينگاپۋر) جەڭىپ، قولا جۇلدەگە يە بولدى. ەرتەرەكتە 19 جاستاعى سەرىك ىرىكتەۋدە وڭتۇستىك كورەيا، فيليپپين، بىرىككەن اراب امىرلىگىنىڭ دجيۋ-دجيتسۋ شەبەرىنەن باسىم تۇسكەن، الايدا جارتىلاي فينالدا تاعى ءبىر ءباا-نىڭ اتلەتى مۇحاممەد ءال سۋۆايديعا قوسىمشا كورسەتكىش بويىنشا ەسە جىبەردى.