جىل باسىنان بەرى الماتىدا ساموكاتتاردىڭ قاتىسۋىمەن 25 جكو تىركەلگەن.
ونىڭ سالدارىنان 2 ادام قازا تاپقان، دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى جولدارىندا موپەدتەر مەن ساموكاتتاردىڭ 50 مىڭنان استامى بار، سوعان سايكەس جول-كولىك وقيعالارى دا كوبەيگەن. جىل باسىنان بەرى ساموكاتتاردىڭ قاتىسۋىمەن 25 جكو تىركەلىپ، 2 ادام قازا تاۋىپ، 27 ادام جاراقات الدى.
«ىشكى ىستەر مينيسترلىگى قابىلداعان شارالار ساموكاتتاردىڭ جۇمىسىنا قاتىستى جاعدايدى ءبىرشاما تۇراقتاندىرۋعا مۇمكىندىك بەردى: جاس شەكتەۋلەرى بەلگىلەندى، قورعانىس قۇرالدارىن مىندەتتى تۇردە پايدالانۋعا جانە جولاۋشىلاردى تاسىمالداۋعا تالاپتار قويىلدى. الايدا قايعىلى وقيعالار جالعاسىپ جاتىر. كۇنى كەشە عانا ساموكات ايداۋعا تۋىسى رۇقسات بەرگەن 13 جاسار بالا قايتىس بولدى. جاس جىگىت جاڭادان كەلگەن جانە ۇلكەن قالاداعى كولىك قوزعالىسىنا بەيىمدەلمەگەن. سالدارىنان ءجاسوسپىرىم جۇك كولىگىنىڭ استىندا كوز جۇمدى»، – دەدى الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ.
پوليسيا باسشىسى موپەدتەردىڭ جۇمىسىنا بايلانىستى سىني جاعدايعا دا نازار اۋداردى. جىل باسىنان بەرى موپەدتەردىڭ قاتىسۋىمەن 292 جول-كولىك وقيعاسى تىركەلىپ، ناتيجەسىندە 14 ادام قازا بولسا، بىلتىر ەكى ادام قازا بولعان.
«جوعارىدا كەلتىرىلگەن ستاتيستيكا نەگىزدى الاڭداۋشىلىقتى تۋدىرادى. ساموكاتتار مەن موپەدتەردى پايدالانۋشىلار – جول قوزعالىسىنا قاتىسۋشىلاردىڭ وسال ساناتتارىنىڭ ءبىرى. ەگەر كولىكتە قاۋىپسىزدىك بەلدىگى نەمەسە قاۋىپسىزدىك جاستىعى بولسا، وندا ەكى دوڭعالاقتى كولىكتەردىڭ جۇرگىزۋشىلەرى مەن جولاۋشىلارى قورعانسىز. سوندىقتان ولاردىڭ قاتىسۋىمەن بولعان ءاربىر اپات قايعىلى اياقتالادى. جول قوزعالىسىنا قاتىسۋشىلاردى جول قوزعالىسى ەرەجەلەرىن قاتاڭ ساقتاۋعا شاقىرامىن. اتا-انا ءوز بالاسىنىڭ قاۋىپسىزدىگى ءۇشىن تولىق جاۋاپكەرشىلىكتى سەزىنۋى قاجەت: قىلمىسقا نەمقۇرايلىلىق تانىتپاڭىز، بالاڭىزدى قورعاڭىز، ءوز ۇلگىڭىزبەن زاڭعا قۇرمەتپەن قاراۋدى ۇيرەتىڭىز»، – دەدى ارىستانعاني زاپپاروۆ.