«قورعاس» شەكارا ماڭى ىنتىماقتاستىعى حالىقارالىق ورتالىعىنىڭ جۇمىسى قايتا جاندانادى.
ەستەرىڭىزگە سالا كەتەيىك، پاندەميا باستالعالى بەرى ونىڭ جۇمىسى توقتاپ تۇرعان. بۇل تۋرالى جەتىسۋ وبلىسى اكىمدىگى ءمالىم ەتتى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
«وزدەرىڭىز بىلەتىندەي، «قورعاس» شىحو الەمدەگى ەپيدەميولوگيالىق جاعدايعا بايلانىستى جۇمىسىن توقتاتقانىنا 3 جىلدان استام ۋاقىت ءوتتى. وسى ءۇش جىل ىشىندە باسقارۋشى كومپانيا ورتالىقتىڭ قىزمەتىن جاقسارتۋ جانە بارلىق بيزنەس-پروسەستەرىن جاڭعىرتۋ بويىنشا اۋقىمدى جۇمىستار اتقاردى»، - دەلىنگەن حابارلامادا.
ۆەدومستۆونىڭ اقپاراتىنا سايكەس، اتالعان ورتالىق 24 ساۋىردەن باستاپ جۇمىس باستايدى.
ايتا كەتەيىك، «قورعاس» ورتالىعىندا قازاقستان مەن جۇڭگو تاراپتارىنىڭ وكىلدەرى ساۋدامەن اينالىسادى. ونداعى ساۋدا ورىندارىندا باعا نارىقتان بىرنەشە ەسە ارزان بولعاندىقتان، ورتالىققا اعىلۋشىلار كوپ بولاتىن.