ق ر پرەمەر-مينيسترىنىڭ ورىنباسارى – قارجى ءمينيسترى ەرۇلان جاماۋبايەۆ كەدەن سالاسىنداعى كەمشىلىكتەردى جويۋ باعىتىنداعى ءىس-قيمىلدار جايىندا تۇسىنىك بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بىلتىر پرەزيدەنت قاسىم-جومارت كەمەل ۇلى توقايەۆ كەدەن سالاسىن رەتكە كەلتىرۋ جونىندە تاپسىرما بەردى. بۇل سالادا كوپتەگەن زاڭ بۇزۋ دەرەكتەرىن انىقتادىق. باس پروكۋراتۋرا جانە باسقا دا قۇقىق قورعاۋ ورگاندارىمەن بىرلەسىپ جۇمىس توبىن قۇردىق. وسى ورايدا بارلىق انىقتالعان فاكتىلەر قۇقىق قورعاۋ ورگاندارىنا بەرىلدى»، - دەدى ە. جاماۋبايەۆ ماجىلىستە تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، ءقازىر ءتيستى تەرگەۋ امالدارى ءجۇرىپ جاتىر. كەزىندە تولەنبەگەن قاراجات بيۋدجەت پايداسىنا وندىرىلگەن.
«بىلتىر بۇل سالادا زاڭ تالاپتارىن بۇزعانداردان 50 ملرد تەڭگەگە جۋىق قاراجات ءوندىرىلدى. بۇل رەتتە زاڭدى بۇزعان بىرنەشە وپەراتور انىقتالدى. اتاپ ايتقاندا، 15-تەن استام ەكونوميكالىق وپەراتور بولعان. ولاردىڭ ناقتى قايسىلارىنا قاتىستى قىلمىستىق ءىس قوزعالعانىن جانە ناقتى قاراجات سوماسى بويىنشا قۇقىق قورعاۋ قۇرىلىمدارىنان الۋعا بولادى»، - دەدى ە. جاماۋبايەۆ.