بۇرىنعى قورعانىس ءمينيسترى مۇرات بەكتانوۆ 12 جىلعا باس بوستاندىعىنان ايىرىلدى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
Zakon.kz دەرەكتەرىنە سۇيەنسەك، قىلمىستىق ىستەر بويىنشا مامانداندىرىلعان اۋدانارالىق اسكەري سوت وسىنداي ۇكىم شىعاردى. قورعانىس مينيسترلىگىن باسقارعان ەكس-باسشى قاۋىپسىزدىگى بارىنشا قاتاڭ باقىلاناتىن قىلمىستىق-اتقارۋ جۇيەسى مەكەمەسىندە جازاسىن وتەيتىن بولادى.
سوت بەكتانوۆقا قاتىستى تولىق مالىمەت ۇسىنبادى. ايتۋلارىنشا، بۇل قىلمىستىق ءىس - «قۇپيا» قارالاتىن ىستەردىڭ ءبىرى.
ەسكە سالساق، مۇرات بەكتانوۆ 2021 جىلدىڭ 31 تامىزىنان باستاپ 2022 جىلدىڭ 19 قاڭتارىنا دەيىن قازاقستان رەسپۋبليكاسى قورعانىس ءمينيسترىنىڭ لاۋازىمىندا بولعان. 2022 جىلعى 19 اقپاندا باس پروكۋراتۋرا بۇرىنعى قورعانىس ءمينيسترى مۇرات كارىباي ۇلى بەكتانوۆقا قاتىستى قازاقستان رەسپۋبليكاسى قىلمىستىق كودەكسىنىڭ 452-بابى ارەكەتسىزدىك فاكتىسى بويىنشا سوتقا دەيىنگى تەرگەپ-تەكسەرۋدى باستادى. وعان توتەنشە جاعداي كەزىندە زاڭسىز بۇيرىقتار بەرىپ، اسكەري ستراتەگيالىق نىسانداردى قورعاۋسىز قالدىردى دەگەن ايىپ تاعىلدى.