قازاقستاندا جاپپاي تارتىپسىزدىككە شاقىرعاندار قاتاڭ جازاعا تارتىلادى، دەپ حابارلايدى اlmaty-akshamy.kz Tengrinews.kz-كە سىلتەمە جاساپ.
سەناتتا «قىلمىستىق سوت تورەلىگى، جازانى ورىنداۋ جانە ازاپتاۋلار مەن قاتىگەزدىكتىڭ الدىن الۋ سالاسىنداعى ادام قۇقىقتارى ماسەلەلەرى جونىندەگى قىلمىستىق، قىلمىستىق ءىس جۇرگىزۋ جانە قىلمىستىق-اتقارۋ كودەكستەرىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالادى.
«جاپپاي تارتىپسىزدىكتەرگە شاقىرعانى ءۇشىن جازانى كۇشەيتۋ قاراستىرىلىپ جاتىر. قىلمىستىق كودەكستىڭ 272-بابىنىڭ 1-بولىگىنىڭ سانكسياسى 3 جىلدان 5 جىلعا دەيىن باس بوستاندىعىنان ايىرۋ تۇرىندەگى جازانى قاراستىرادى. سونىڭ ىشىندە قىلمىستىق كودەكستىڭ 272-بابىنىڭ 2-بولىگى 3 جىلدان 7 جىلعا دەيىن باس بوستاندىعىنان ايىرۋ تۇرىندەگى جازانى قاراستىرادى»، - دەدى ىشكى ىستەر ءمينيسترى مارات احمەتجانوۆ.
سونداي-اق قىلمىستىق توپ قۇرامىندا جاسالعان بۇزاقىلىق ءۇشىن سانكسيانى كۇشەيتۋ جوسپارلانىپ وتىر. قىلمىستىق كودەكستىڭ 293-بابىنىڭ 3-4-بولىكتەرىندەگى سانكسيا 5 جىلدان 7 جىلعا دەيىن باس بوستاندىعىن شەكتەۋ تۇرىندەگى جازانى قاراستىرادى.
«قىلمىستىق توپتىڭ قۇرامىندا ەرەكشە سينيزممەن جاسالعان كىسى ءولتىرۋ جانە بانديتيزم ءۇشىن دە سانكسيالاردى كۇشەيتۋ جوسپارلانىپ وتىر. زاڭ مۇنداي ادامدارعا شارتتى تۇردە مەرزىمىنەن بۇرىن بوساتۋدى قولدانۋ مۇمكىندىگىن جوققا شىعارۋى كەرەك»، - دەلىنگەن حابارلامادا.