قورعانىس ءمينيسترىنىڭ ورىنباسارى گەنەرال-لەيتەنانت سۇلتان كامالەتدينوۆ بۇۇ ۇيىمى باس حاتشىسىنىڭ زاڭ ۇستەمدىگى جانە قاۋىپسىزدىك مەكەمەلەرى جونىندەگى كومەكشىسى الەكساندر زۋيەۆ باستاعان دەلەگاسياسىمەن كەزدەستى، دەپ حابارلايدى اlmaty-akshamy.kz.
تاراپتار بىرىككەن ۇلتتار ۇيىمىمەن بەيبىتشىلىك پەن قاۋىپسىزدىكتى قولداۋ سالاسىنداعى ءوزارا ءىس-قيمىلدىڭ اعىمداعى جانە الداعى دامۋ باعىتتارىن تالقىلادى.
قازاقستاننىڭ بىتىمگەرلىك باستامالارىن ىسكە اسىرۋ ماسەلەلەرى، داعدارىستىق جاعدايدى بەيبىت جولمەن رەتتەۋدى قامتاماسىز ەتۋگە باعىتتالعان بۇۇ-نىڭ جوبالارىن قولداۋ تۇرعىسىنان ءوزارا ءىس-قيمىل پەرسپەكتيۆالارى دا جەكە تالقىلاندى.