10-سىنىپ وقۋشىسى كولىك جۇرگىزۋشىلەرى ءۇشىن كوزىلدىرىك قۇراستىرعان.
15 جاستاعى ەرنۇر تۇرعانباي فيزيكا ءپانىنىڭ ءمۇعالىمى داۋلەشيار ءباقىتالىنىڭ كومەگىمەن اتالعان مودەلدى جاساپ شىققان، دەپ حابارلايدى اlmaty-akshamy.kz
ولار روبوتوتەحنيكا كۋرسىندا يدەيانى جۇزەگە اسىرىپ، ەكسپەريمەنتتىك مودەل جاساعان. اۆتور كوزىلدىرىك ينفراقىزىل سەنسورمەن جابدىقتالعانىن، ال جوبانىڭ ءوزى جول قاۋىپسىزدىگىن جاقسارتۋعا باعىتتالعانىن ايتادى.
"كوزىلدىرىكتىڭ جاقتاۋىنا ينفراقىزىل سەنسور ورناتىلعان، ول جۇرگىزۋشىنىڭ جاعدايىن ۇنەمى باقىلاپ وتىرادى. كوزىلدىرىك شارشاۋ مەن ۇيقى كەلۋ بەلگىلەرىن انىقتاي الادى. ەگەر رولدە وتىرعان ادام شارشاپ نەمەسە ۇيقىسى كەلسە، كوزىلدىرىك كولىك جۇرگىزۋشىسىنە ەسكەرتەدى"، – دەپ مالىمدەدى الماتى وبلىسىنىڭ ءبىلىم باسقارماسىنان.
وقۋشى كوزىلدىرىكتى باسقا دا ءتۇرلى فۋنكسيالاردى ورىنداۋعا بەيىمدەۋگە بولاتىنىن ايتتى.