«سيفرلىق قازاقستان» مەملەكەتتىك باعدارلاماسىن ىسكە اسرىدۋىڭ ارالىق ناتيجەسىن تالقىلاعان جيىندا ۆەدومستۆو باسشىسى باعدات مۋسين وسىنداي مالىمەت ايتتى، دەپ حابارلايدى Almaty-akshamy.kz
«2019 جىلى بايلانىستىڭ ساپاسى 50 پايىزعا تەكسەرىلگەن بولاتىن. بىلتىر سول قۇراممەن تاعى 560 تەكسەرۋ جۇرگىزىلدى. ۇيالى بايلانىس وپەراتورلارىنا 2019 جىلى 15 ملن تەڭگە ايىپپۇل سالىنسا، 2021 جىلى ايىپپۇل كولەمى 140 ملن تەڭگە بولدى. ياعني، 10 ەسە وسكەن. ونىڭ ۇستىنە ءبىز باقىلاۋ فۋنكسيالارىن كۇشەيتتىك. وپەراتورلار قاي اۋىلدا بايلانىس جوق ەكەنىن وزدەرى ايتىپ، مويىنداي باستادى»، - دەدى مينيستر.
ايتۋىنشا، كەمشىلىكتى مويىنداۋشىلاردىڭ كەيبىرى بۇعان دەيىن ۆەدومستۆوعا جالعان مالىمەت بەرىپ ۇلگەرگەن.
«2021 جىلى "200 اۋىلدا بايلانىس پەن ينتەرنەت بار" دەپ اقپارات بەرگەن وپەراتورلار 2022 جىلى ينتەرنەت جوق ەكەنىن مويىندادى. ويتكەنى ولار ءبىزدىڭ اۋىل-اۋىلدى ارالاپ، قاي جەردە ينتەرنەت ساپاسى تومەن ەكەنىن انىقتاپ جاتقانىمىزدان قاتەلىكتى وزدەرى مويىنداپ، جۇمىستى باسىنان باستاۋ جەڭىلىرەك بولاتىنىن ءتۇسىندى. «قازاقتەلەكوم» ۇلتتىق وپەراتورىن تەكسەرگەن كەزدە، ءبىزدىڭ ءبىلىمىمىزدى، قولىمىزداعى مالىمەتتەردى ەسكەرۋدى، ءتىپتى كەي تۇستا جۇمىسقا تارتۋلارىڭىزدى سۇرايمىز. ويتكەنى بۇل كۆازيمەملەكەتتىك كومپانيالار، جەكە نارىق. وعان ءبىز تىكەلەي ارالاسا المايمىز»، - دەدى باعدات مۋسين.