ۇقشۇ-عا مۇشە ەلدەر تەرروريستىك شابۋىل كەزىندە قازاقستانعا دەر كەزىندە قولداۋ مەن كومەك كورسەتتى
ق ر قورعانىس مينيسترلىگى حالىقارالىق ىنتىماقتاستىق دەپارتامەنتىنىڭ باستىعى ولجاس قۇسايىنوۆ ورتالىق كوممۋنيكاسيالار قىزمەتىندە وتكەن بريفينگىدە وسىنداي پىكىر ءبىلدىردى، دەپ حابارلايدى Almaty-akshamy.kz قازاقپاراتقا سىلتەمە جاساپ
«قازاقستاندا ۇقشۇ-نىڭ بىتىمگەرشىلىك الەۋەتىن ورىستەتۋ دەر كەزىندە جانە ءتيىمدى بولدى. ءىس جۇزىندە ۆەدومستۆوارالىق جانە مەملەكەتارالىق ءوزارا ءىس-قيمىل جانە ۇيىم ىشىندەگى ۇيلەستىرۋ تەتىكتەرى پىسىقتالدى. مەملەكەت باسشىسى ۇيىمنىڭ جاقسى تاجىريبە جيناقتاپ، بەدەلدى اسكەري-ساياسي ۇيىم رەتىندە ءوزىنىڭ تيىمدىلىگىن كورسەتكەنىن اتاپ ءوتتى. ءىس جۇزىندە بولعان وقيعالار ۇقشۇ-نىڭ دامۋىنداعى شەشۋشى كەزەڭ بولىپ، قۋاتتى حالىقارالىق ينستيتۋت رەتىندە جاڭا سيپات الدى. ۇيىمعا مۇشە ەلدەر تەرروريستىك شابۋىل كەزىندە قازاقستانعا دەر كەزىندە قولداۋ مەن كومەك كورسەتتى»، - دەدى مينيسترلىك مامانى.
سونداي-اق، ول قازاقستان قورعانىس مينيسترلىگىنىڭ اتىنان ارمەنيا، بەلارۋس، قىرعىزستان، رەسەي جانە تاجىكستان سىندى ۇيىمعا مۇشە مەملەكەتتەردىڭ قورعانىس ۆەدومستۆولارىنا مورالدىق تۇرعىدا قولداعانى، تىكەلەي جانە جەدەل اسكەري كومەك كورسەتكەنى ءۇشىن العىس ءبىلدىردى.
«بۇل وپەراسيا كوپجىلدىق ىنتىماقتاستىق بارىسىندا جاسالعان تەتىكتەردى ءىس جۇزىندە قولدانۋدىڭ مىسالى عانا ەمەس، سونىمەن بىرگە وداقتاس مەملەكەتتەردىڭ جاۋىنگەرلىك باۋىرلاستىعى مەن رۋحىنىڭ ناقتى دالەلى رەتىندە ۇيىمنىڭ تاريحىنا ەنەتىنى ءسوزسىز»، - دەدى ولجاس قۇسايىنوۆ.