بۇگىن ۇقشۇ بىتىمگەرشىلىك اسكەرى ەل اۋماعىنان تولىق شىعارىلدى
قورعانىس مينيسترلىگى حالىقارالىق ىنتىماقتاستىق دەپارتامەنتىنىڭ باستىعى ولجاس قۇسايىنوۆتىڭ ايتۋىنشا، ۇجىمدىق قاۋىپسىزدىك تۋرالى شارت ۇيىمى ۇجىمدىق بىتىمگەر كۇشتەرىن قازاقستان اۋماعىنان شىعارۋ اياقتالدى، دەپ حابارلايدى Almaty-akshamy.kz
«سوڭعى جەكە قۇرام مەن تەحنيكا اۋە كەمەسىمەن الماتىدان ۇشىپ شىقتى. قازىرگى قازاقستان رەسپۋبليكاسىنىڭ اۋماعىندا شەت مەملەكەتتەردىڭ اسكەري قىزمەتشىلەرى جوق. ەلىمىزدەن ۇقشۇ-نىڭ بىرىككەن بىتىمگەرشىلىك كونتينگەنتىن كەزەڭ-كەزەڭىمەن شىعارۋ بيىل 13 قاڭتاردان باستاپ قارۋلى كۇشتەردىڭ جوعارى باس قولباسشىسى – قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆ بەلگىلەگەن مەرزىمدە جۇزەگە اسىرىلدى»، – دەدى و. قۇسايىنوۆ.