ەاەو ەلدەرى ورتاق ەلەكتر-ەنەرگەتيكالىق نارىق قالىپتاستىرۋدى كوزدەپ وتىر
وسىعان وراي سالالىق ۆەدومستۆونىڭ باسشىسى بولات اقشولاقوۆ قازاقستان پارلامەنتى ءماجىلىسىنىڭ وتىرىسىندا ءتيىستى حاتتامانى ماقۇلداۋ قانداي ەكونوميكالىق ناتيجە الىپ كەلەتىنىن ايتتى، دەپ حابارلايدى Almaty-akshamy.kz
ونىڭ سوزىنشە، قۇجاتقا سايكەس ەل ەكونوميكاسىنا وڭ اسەر ەتەتىن جاڭا ەرەجەلەر قابىلدانادى دەپ كۇتىلۋدە. سونداي-اق ءبىرىڭعاي ەكونوميكالىق كەڭىستىكتەگى ەلدەردىڭ ورتاق جۇيەسىن قۇرۋ ارمەنيا، بەلارۋس، قازاقستان، قىرعىزستان جانە رەسەيدىڭ ۇلتتىق ەلەكتر ەنەرگياسى نارىقتارىن ينتەگراسيالاۋ جولىمەن وتەتىنىن تىلگە تيەك ەتتى. بۇل رەتتە وندىرۋشىلەر مەن تۇتىنۋشىلاردىڭ ەكونوميكالىق مۇددەلەرىنىڭ تەڭگەرىمى ساقتالاتىن بولادى. بۇعان قوسا سالا ماماندارى تەڭ قۇقىقتىق، ءوزارا تيىمدىلىك جانە مۇشە مەملەكەتتەردىڭ كەز كەلگەنىنە قارجىلىق زالال كەلتىرمەۋ نەگىزىندە ىنتىماقتاستىق ورناتۋ ءۇشىن جاعدايلار جاسايدى.
«ەكونوميكالىق تيىمدىلىك جونىندە ايتار بولساق، قازاقستاننىڭ ەنەرگيا جۇيەسى جۇمىسىنىڭ تۇراقتىلىعىن قامتاماسىز ەتۋ ءۇشىن وداققا مۇشە ەلدەر، سونداي-اق شەكارالاس مەملەكەتتەرمەن ءوزارا ءىس-قيمىل بويىنشا ازىرلەنگەن دۇرىس جانە ناقتى ەرەجەلەردىڭ بولۋى ءتيىس. بۇل تىكەلەي باعانىڭ وسۋىنە الىپ كەلمەيدى. سەبەبى وندا وسىعان باعىتتالعان ەرەجەلەر قاراستىرىلعان»، - دەدى ق ر ەنەرگەتيكا ءمينيسترى بولات اقشولاقوۆ.
.