ناتيجەسىندە 13 سيفرلىق وفيسەر ىرىكتەلەدى.
بۇل لاۋازىمدارعا جاريالانعان بايقاۋدىڭ ءبىرىنشى كەزەڭىنە قورعانىس مينيسترلىگىنىڭ، باس شتابتىڭ، قارۋلى كۇشتەردىڭ جانە زاپاستاعى وفيسەرلەردىڭ اراسىنان 90-عا جۋىق اسكەري قىزمەتشى قاتىستى، دەپ حابارلايدى Almaty-akshamy.kz.
«بايقاۋ شارتتارى بويىنشا وسى پوزيسياعا ۇمىتكەردىڭ اسكەري باسقارۋ ورگاندارىنداعى باسشى لاۋازىمداردا ەكى جىلدىق تاجىريبەسى نەمەسە بەس جىل اسكەري قىزمەتتە ءوتىلى بولۋعا ءتيىس. قاتىسۋشىلار سانىن ەسكەرە وتىرىپ، ولارعا قورعانىس مينيسترلىگىنىڭ اسكەري بولىمدەرى مەن بولىمشەلەرىندە اۆتوماتتاندىرىلعان جۇمىس ورىندارى ۇيىمداستىرىلدى. ۆەدومستۆولىق جەلىگە قوسىلىپ، قاجەتتى الاڭداردى تولتىرىپ، ۇمىتكەرلەر ونلاين-تەستىلەۋدەن ءوتتى»، - دەلىنگەن قورعانىس مينيسترلىگىنىڭ باسپا ءسوز قىزمەتىنىڭ حابارلاماسىندا.
قورعانىس مينيسترلىگىنىڭ اقپاراتتاندىرۋ دەپارتامەنتى ازىرلەگەن بايقاۋدىڭ ءبىرىنشى كەزەڭىن وتكىزۋ الگوريتمى تەستىلەۋدىڭ ءتورت ءتۇرىن تىركەۋدى جانە وتكىزۋدى قاراستىردى. ولارعا ەكى ساعات بەرىلدى.
ءبىرىنشى كەزەڭ بارىسىندا زاڭناما نورمالارىن ءبىلۋ دەڭگەيى، وفيسەرلەردىڭ زياتكەرلىك الەۋەتى مەن اقپاراتتىق ساۋاتتىلىعى تەكسەرىلدى. سونىمەن قوسا SHL-تەستىلەۋ سۇراقتارى اۋىزشا، ساندىق جانە لوگيكالىق مازمۇندا بولدى. جالپى سىناقتاعىلار 100 سۇراققا جاۋاپ بەرۋى كەرەك ەدى.
«تەستىلەۋ ناتيجەسىنە قاراي 51 ادام ىرىكتەلىپ الىندى. ەندى ولار سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ سيفرلىق ۇكىمەتتى قولداۋ ورتالىعىنىڭ جانە وزىق IT-كومپانيالاردىڭ وكىلدەرىنەن تۇراتىن تاۋەلسىز كوميسسيانىڭ جوباسىن تانىستىرۋى ءتيىس»، – دەپ ءتۇسىندىردى قورعانىس ءمينيسترىنىڭ ورىنباسارى دارحان احمەدييەۆ.
پرەزەنتاسيا ماسەلە – شەشىم – قورىتىندى الگوريتمگە نەگىزدەلگەن. ۇسىنىستار مەن يدەيالارىن سيفرلىق ساراپشىلار ماقۇلداعان ۇمىتكەرلەر ءوز جوبالارىن قورعانىس مينيسترلىگىنىڭ باسشىلىعىمەن اڭگىمەلەسۋ بارىسىندا تانىستىراتىن بولادى.
ناتيجەسىندە 13 سيفرلىق وفيسەر ىرىكتەلەدى. ۇيىمداستىرۋشىلىق جانە شتاتتىق قۇرىلىمعا سايكەس ولار قورعانىس مينيسترلىگىندە – ءبىر، باس شتابتا – ءۇش جانە قارۋلى كۇشتەردە – توعىز سيفرلىق وفيسەر لاۋازىمدارىنا بولىنەدى.
كەلەسى كەزەڭدى وتكىزۋ كۇنى مەن ۋاقىتى قوسىمشا حابارلاناتىن بولادى. العاشقى ىرىكتەۋدەن وتكەندەرگە «سيفرلىق وفيسەر» جوباسىنىڭ سall-ورتالىعىنا 46 147 تەلەفونىنا حابارلاسۋى قاجەت.