قالاداعى قوناقۇيلەردە جۇكتەمە جوعارىلاعانى بايقالادى.
ديماشتىڭ كونسەرتى الماتىعا شەتەلدىك تۋريستەردىڭ كەلۋىنە تۇرتكى بولدى، دەپ حابارلايدى Almaty-akshamy.kz
الماتى تۋريزم باسقارماسى شەتەلدىكتەردىڭ كوپتەپ كەلۋى تۋرالى اقپاراتتى راستادى.
«الماتى قوناقۇيلەرىندە شەتەلدىك تۋريستەردىڭ كەلۋىنە بايلانىستى جوعارى جۇكتەمەلەر بايقالادى. ولاردىڭ اراسىندا 2022 جىلدىڭ 23 قىركۇيەگىندە الماتى قالاسىنىڭ ورتالىق ستاديونىندا كونسەرت بەرەتىن قازاقستاندىق ءانشى ديماش قۇدايبەرگەنوۆتىڭ جانكۇيەرلەرى بار»، - دەدى باسقارماداعىلار.
باسقارمادا «تيكەتون» سەرۆيسىنىڭ دەرەكتەرىنە سىلتەمە جاسالدى، وعان سايكەس 50 ەلدەن كەلگەن تۋريستەرگە شامامەن 21 000 بيلەت ساتىلدى.
«سونداي-اق، بۇگىندە الماتىدا تۋريستىك اعىننىڭ ءوسۋى بايقالادى. جىل سوڭىنا دەيىن قالاعا 300 مىڭنان استام شەتەلدىك تۋريست كەلەدى دەپ كۇتىلۋدە»، - دەپ تولىقتىردى ۆەدومستۆودان.