قورعانىس مينيسترلىگى اسكەري دارىگەرلەردى دايارلاۋ جۇمىسىنا كىرىستى

40 كۋرسانتتى وقۋعا قابىلداۋ جوسپارلانىپ وتىر.

قورعانىس ۆەدومستۆوسى مەملەكەت باسشىسىنىڭ قارۋلى كۇشتەردىڭ كادرلىق الەۋەتىن ارتتىرۋ تاپسىرماسىن ىسكە اسىرۋ شەڭبەرىندە اسكەري دارىگەرلەردى دايارلاۋدى ۇيىمداستىردى، دەپ حابارلايدى Almaty-akshamy.kz.

«قازاقستان اسكەرىنە مەديسينا ماماندارىن اقتوبەدەگى اۋە قورعانىسى كۇشتەرى اسكەري ينستيتۋتىنىڭ اسكەري-مەديسينا فاكۋلتەتى، سانكت-پەتەربۋرگتەگى اسكەري-مەديسينا اكادەمياسى جانە ەريەۆان مەملەكەتتىك مەديسينا ۋنيۆەرسيتەتىنىڭ اسكەري-مەديسينا فاكۋلتەتى دايىندايدى. بيىل وقۋ ورىندارىنا 40 كۋرسانتتى وقۋعا قابىلداۋ جوسپارلانىپ وتىر»، - دەلىنگەن قورعانىس مينيسترلىگىنىڭ باسپا ءسوز قىزمەتىنىڭ حابارلاماسىندا.

سونىمەن بىرگە، سانكت-پەتەربۋرگتەگى اسكەري-مەديسينالىق اكادەميا ۇلداردى دا، قىزداردى دا وقۋعا قابىلدايتىنىن اتاپ ءوتۋ كەرەك.

وقۋ بارىسىندا كۋرسانتتار تولىقتاي مەملەكەت تاراپىنان قامتاماسىز ەتىلەدى.

وقۋدى اياقتاعان بولاشاق اسكەري دارىگەرلەرگە «لەيتەنانت» اسكەري اتاعى بەرىلەدى. جاس مامانداردا قارۋلى كۇشتەردە اسكەري قىزمەت وتكەرە وتىرىپ، ينتەرناتۋرادا وقۋىن جالعاستىرۋعا مۇمكىندىك بار.

اسكەري وقۋ ورىندارىنا تۇسكىسى كەلەتىن تالاپكەر بيىلعى جىلدىڭ مامىر ايىنان كەشىكتىرمەي، تۇرعىلىقتى جەرى بويىنشا جەرگىلىكتى اسكەري باسقارۋ ورگاندارىنا حابارلاسۋى قاجەت.