قازاقستان ازاماتتارى ۆيزاسىز نەبارى 34 ەلگە بارا الادى.
پاسپورت كۇشىن باعالايتىن رەيتينگتە قازاقستان يندەكسى – 82. يندەكس نەعۇرلىم جوعارى بولسا، ەلدىڭ پاسپورتى سوعۇرلىم مىقتى بولادى. قازاقستان ازاماتتارى 34 ەلگە ۆيزاسىز بارا الادى، 48 ەلگە بارعان سوڭ ۆيزا اشتىرا الادى، 116 ەلگە تەك ءتيىستى ۆيزامەن كىرە الادى، دەپ حابارلايدى Almaty-akshamy.kz Elorda.info-عا سىلتەمە جاساپ.
يندەكستى ەسەپتەۋگە پاسپورتتاردىڭ ۇتقىرلىعى (MS)، ۆيزاسىز رەجيم (VF)، كەلۋ ۆيزاسى (VOA)، eTA جانە eVisa (ەگەر 3 كۇن ىشىندە بەرىلسە) جانە ادامنىڭ دامۋ يندەكسى قاراستىرىلادى. رەيتينگكە بۇۇ-عا مۇشە 193 ەل، قىتايدىڭ التى اۋماعى: تايۆان، ماكاو (جۇڭگو وار)، گونكونگ (جۇڭگو وار)، كوسوۆو، پالەستينا اۋماعى جانە ۆاتيكان قاتىستى.
الەمدەگى ەڭ كۇشتى ءتولقۇجات — ءباا ازاماتتارىندا. ولارعا 110 ەلدە – ۆيزاسىز رەجيم، ال 53 ەلدىڭ ۆيزاسىن بارعان سوڭ اشتىرا الادى. رەيتينگتىڭ سوڭعى ورنىندا – اۋعانستان. ۆيزاسىز رەجيم – تەك ءتورت ەلگە. 31 ەلدە ۆيزانى بارىپ الۋعا بولادى.
تمد ەلدەرى اراسىندا ۋكراينا، مولدوۆا، رەسەي جانە بەلارۋس ازاماتتارىنىڭ پاسپورتتارى قازاقستاندىقتاردىڭ پاسپورتتارىنا قاراعاندا كۇشتى بولىپ سانالادى. ازەربايجان، ارمەنيا، قىرعىزستان، وزبەكستان، تاجىكستان جانە تۇركىمەنستاننىڭ پاسپورتتارى قازاقستاندىقتاردان تومەن.
ەستەرىڭىزگە سالا كەتەيىك: 2021 جىلى قازاقستانعا 11 مىڭ ادام كوشىپ كەلدى — ءبىر جىل بۇرىنعىعا قاراعاندا 4،1% از. سونىمەن قاتار ەلدەن كەتكەندەر سانى ءبىر جىلدا 10،6% (32،2 مىڭ ادام) ءوستى. ازاماتتاردىڭ كوپشىلىگى قازاقستانعا وزبەكستاننان كەلدى: 4،2 مىڭ ادام.
كوشباسشىلار ۇشتىگىنە رەسەي مەن قىرعىزستان كىردى. تمد قۇرامىنا كىرمەيتىن ەلدەردەن قازاقستانعا ەڭ كوپ كەلگەندەر قىتايدان، تۇركيادان جانە اۋعانستاننان. ەڭ كوپ ەميگرانت قر-دان رەسەيگە كەتتى: 2021 جىلى 26،7 مىڭ ادام – ءبىر جىل بۇرىنعىعا قاراعاندا 6،1% ارتىق. تمد ەلدەرى اراسىندا قازاقستاندىقتار اراسىندا ەميگراسيانىڭ باسقا دا تانىمال باعىتتارى – بەلارۋس پەن وزبەكستان. تمد قۇرامىنا كىرمەيتىن ەلدەر اراسىندا قر-دان گەرمانيا، پولشا جانە اقش-قا ءجيى كوشەدى.
الايدا قالىپتاسقان گەوساياسي جاعدايعا بايلانىستى بيىل قازاقستاننان جانە قازاقستانعا كوشى-قون اعىنى تۇبەگەيلى وزگەرۋى مۇمكىن.