قازاقستاندا اسكەري بولىمدەر مەن اسكەري وقۋ ورىندارىندا 21 سايلاۋ ۋچاسكەسى اشىلعان.
قازاقستان رەسپۋبليكاسىنىڭ قورعانىس ءمينيسترى، گەنەرال-پولكوۆنيك رۋسلان جاقسىلىقوۆ سايلاۋدا داۋىس بەردى، دەپ حابارلايدى اlmaty-akshamy.kz Azattyq Ruhy-نا سىلتەمە جاساپ.
جالپى، ءقازىر اسكەري بولىمدەر مەن اسكەري وقۋ ورىندارىندا اشىلعان 21 سايلاۋ ۋچاسكەسىندە اسكەري بورىشىن وتەپ جۇرگەن ازاماتتار مەن قارۋلى كۇشتەردىڭ كۋرسانتتارى داۋىس بەرە الادى.
ەستەرىڭىزگە سالا كەتەيىك، 19 ناۋرىزدا قازاقستاندىقتار پارلامەنت ءماجىلىسىنىڭ جاڭا دەپۋتاتتارىن جانە بارلىق دەڭگەيدەگى ءماسليحات دەپۋتاتتارىن سايلايدى.
داۋىس بەرۋگە 18 جاسقا تولعان قازاقستان ازاماتتارى قاتىسا الادى. سايلاۋ تىزىمدەرىنە 12 ميلليوننان استام ازامات كىرەدى. سايلاۋ ۋچاسكەلەرىندەگى داۋىستاردى ساناۋ 19 ناۋرىزدا جەرگىلىكتى ۋاقىت بويىنشا كەشكى ساعات 20:00-دە باستالادى جانە 20 ناۋرىزدا تاڭعى 8:00-دە اياقتالۋى كەرەك.